November Mein Launch Hone Wale Hain Yeh Sabhi Phones, Aapke Liye Kaun Sa Hai Khaas?

October ka month aaj khatam ho chuka hai. Iss month kaafi companies ne apne smartphones ko launch kiya hai. Iss list mein affordable smartphones, kuch mid range smartphones aur premium smartphones include hain. Ab aap sabhi logon ko unn sabhi smartphones ka wait hoga jo iss month launch wale hain. Agar aapne abhi koi naya smartphone purchase nahi kiya hai to aapko thoda aur wait karna chaiye. Kyun ki hum aapke liye unn sabhi smartphones ki list le kar aaye hain jo iss month mein launch hone wale. Inn sabhi phones ko aap neeche dekh sakte hain.

1. Realme X2 Pro 

Yeh phone issi moth China mein already launch kiya jaa chuka hai. 20th November ko company iss phone ko India mein launch karne wali hai. Expect kiya jaa raha hai ki iss phone ka Indian variant Chinese variant ke kaafi similar ho sakta hai. China mein iss phone ko  6.5-inch Fluid AMOLED Full HD+ display ke saath launch kiya gaya hai jiska screen refresh rate 90Hz hai. Iske alawa phone mein aapko 16MP ka front facing camera diya gaya hai jo ki waterdrop notch ke saath cover kiya gaya hai. Phone ki highlight mein iska 64MP primary rear camera aur  50W SuperVOOC fast charging hai. Phone mein aapko 4000mAh ki battery milti hai jo ki 30 minutes mein hi full charge ho jaati hai.

 

2. Redmi Note 8T 

Iss phone ke launch se judi jaankari kuch smaay pehle hi saamne aayi hai, jismein bataya gaya hai ki yeh phone iss month China mein launch kiya jaayega. Sources ki maane to yeh phone haal hi mein India mein launch kiye gaye Redmi Note 8 ka hi re-branded version hoga. Ismein aapko main difference NFC ka dekhne ko milega. Agar baat karein Redmi Note 8T ke leaked specs ki iss phone mein company 48MP ka primary camera,  8MP ka ultra wide angle camera, 2MP ka macro lens aur 2MP ka depth sensor provide kar sakti hai. Saath  hi phone ki display 6.39-inch Full HD+aur dot notch ke saath offer ki jaa sakti hai. Haalanki phone ki exact launch date abhi tak announce nahi ki gayi hai.

 

3. Motorola One Hyper 

Image Credit : ProAndroid.com

Iss phone ki teaser image kuch samay pehle hi dekhne ko mili hai. Teaser image ki according, company ki taraf se aane wala first phone hoga jismein humein pop-up selfie camera dekhne ko milega. Leaked image mein iss phone ke rear panel par dual camera setup dikhai de raha hai. Iske alawa rumors ki maane to company iss phone mein 64MP  primary rear camera sensor ko use kar sakti hai. Isi ke saath phone ke display mein kisi bhi tarah notch ya punch hole bhi dikhai nahi de raha hai. Phone mein humein Snapdragon 675 chipset dekhne ko mil sakta hai. Well, iss phone ke launch ko le kar bhi company ne abhi koi final date announce nahi ki hai.

4. Motorola Razr 

13th November ko Los Angles mein hone wale event mein company apne ek foldable phone ko launch kar sakti hai. Expect kiya jaa raha hai ki yeh phone Motorola Razr hi ho sakta hai. Kaafi time se iss phone ke launch ki rumors market mein bani huyi hai. Iss event ke media invites already send kiye jaa chuke hain, jismein do tag lines ‘An original unlike any other’ aur ‘You’re going to flip’ ko mention kiya gaya hai. Saath hi ek image share ki gayi hai jismein calmshell flip design dikhai de rahi hai. Leaks ki maane to company apne foldable phone mein Snapdragon 710 SoC ka use kar sakti hai, saath hi ismein 6.2-inch OLED folding screen di jaa sakti hai.

5. Realme 5s 

Realme launch ke time se hi apne budget smartphones ke liye jaana jaata raha hai. Iss brand ki taraf se humein hamesha hi affordable price mein bhadiya smartphones dekhne ko mile hain. Kuch time pehle hi company ne Realme 5 ko launch kiya hai jo ki Rs 10,000 mein aane wala first quad camera wala smartphone hai. Haal hi mein iss phone ko Bureau of Indian Standards (BIS) certification website par RMX1925 model number ke saath spot  kiya gaya hai, jahaan expect kiya jaa raha hai ki yeh phone Realme 5s ho sakta hai. Saath hi yeh bhi expect kiya jaa raha hai ki company iss phone ko aur bhi behtar camera aur badi battery ke saath launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: