Non Pro version, OnePlus 7 Ke Images Aur Specs Bhi Launch Se Pehle Leak Huye

OnePlus 7 series ke two smartphones, OnePlus 7 Pro aur OnePlus 7, India mein 14th May ko launch hone waale hain. OnePlus 7 Pro ke leaks aur official teasers ne pehle hi is smartphone ki kaafi hype create kar di hai. Aur aaj iske baad OnePlus 7 ke bhi kaafi specs aur renders saamne aaye hain.

Regular OnePlus 7 ki jo alleged image saamne aayi hai, usmein ye smartphone waterdrop notch aur dual rear cameras ke saath nazar aa raha hai. Maana jaa raha hai ki OnePlus 7, bahut hadd tak, OnePlus 6T ke jaisa hi hoga. Lekin design similar hone ke baawjood, yahaan par internally kayi imaprovements nazar aayengi. Is smartphone mein jo bada change hai, wo ye hai ki OnePlus 7 mein 48MP ka primary shooter diya jayega.

Iske alawa is smartphone mein full HD+ display hi hogi aur chipset yahaan par latest Snapdragon 855 hoga. Saath hi yahaan aapko latest UFS 3.0 storage milne waali hai. Ismein 6GB aur 8GB RAM options honge, aur 128GB / 256GB ke storage variants available honge.

OnePlus 7 mein bhi, OnePlus 6T ki hi tarah, 3700mAh ki battery hone ki khabar saamne aayi hai, aur Warp Charge fast charging technology bhi yahaan par milne waali hai.

In updates ke saath, expected hai ki OnePlus 7 ka price bhi, OnePlus 6T ke mukaable increase hoga. Is baar OnePlus 7, approx. 49,000 INR ke starting price par launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: