Nokia X71 With Punch-Hole Selfie Camera & Triple Rear Cameras Announced: Check Here For Pricing & Detailed Features

HMD Global ne finally new Nokia X71 ko Taiwan mein globally announce kar diya hai. Yecompany ka first smartphone hai, jismein punch-hole selfie camera dekhne ko mila hai, saath hi Zeiss optics ke triple rear cameras bhi Nokia X71 ki highlight hai. Is handset ko only Black color mein release kiya gaya hai aur saath hi khabar ye hai ki other countries, including India mein ise Nokia 6.2 ke naam se launch kiye jayega.

Specs ki baat karein to Nokia X71 mein 6.39 inch ki full HD+ 2.5D curved glass display hai aur ye Octa Core Qualcomm snapdragon 660 chipset par chalega. Is handset ko single storage options mein hi release kiya gaya hai, jismein 6GB ki RAM hai aur 128GB ki inbuilt storage aapko di gayi hai, lekin ise aap another 256GB tak microSD card ke through expand kar sakenge.

Iske alawa Nokia X71 mein triple rear camera setup hai, jismein 48 MP ka primary camera, f/1.8 aperture aur 6P lens ke saath moujood hai, secondary 8 MP camera, 120 degree ultra wide angle lens ke saath diya gaya hai aur third 5 MP ka camera f/2.4 aperture ke saath depth focus ke liye fitted hai. Iske alawa front par aapko 16 MP ka Zeiss optics selfie shooter milta hai.

Nokia X71 mein rear mounted fingerprint sensor hai aur Android 9.0 Pie OS par chalta hai. Nokia ke other handsets ki tarah, ye bhi ek Android One smartphone hai. Ismein hybrid dual SIM slot diya gaya hai, yaani ki second SIM slot mein nano SIM ya microSD card, dono mein se kisi ek ko aap insert kar sakte hain.

Is smartphone mein dual 4G VoLTE support diya gaya hai, 3500mAh ki battery fast charging support ke saath hai, 3.5mm audio jack bhi hai aur Nokia OZO audio support bhi aapko yahaan par mil jaata hai.

Ab agar price ki baat karein to, Nokia X71 ka price NT$ 11,990 (approx. 27,000 INR) hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: