Nokia X71 (Nokia 8.1 Plus) Ki Announce Date & Expected Features Saamne Aaye

HMD Global ne next month mein ek launch event schedule kiya hai, jo ki Taiwan mein hone waala hai. Is April 2 ko hone waale event ko host karte huye company Nokia X71 ko launch karne jaa rahi hai. Kuch samay pehle Taiwan mein Nokia ke is smartphone ko TA-1167 model number ke saath certification bhi mila tha. Maana jaa raha hai ki ye smartphone global market mein Nokia 8.1 Plus ke naam se announce kiya jaa sakta hai.

91 mobiles ke through jo leaked image saamne aayi hai, usmein hum dekh sakte hain ki ye upcoming Nokia phone punch-hole selfie camera ke saath nazar aa raha hai. Nokia 8.1 Plus is feature ke saath aane waala first Nokia handset ho sakta hai. Saath hi hum ismein dual rear cameras aur rear panel par hi fingerprint scanner bhi dekh sakte hain.

Rumors ke according, Nokia 8.1 Plus aka Nokia X71 mein 6.22 inch ki full HD+ display di jaa sakti hai. Iske alawa expect kiya jaa raha hai ki is year ke 48 MP camera trend ko follow karte huye, company is handset mein ye feature bhi add karne waali hai, saath hi secondary camera 120 degree wide angle lens ke saath aayega.

Iske alawa kuch rumors ye bhi kehte hain ki is smartphone ka naam Nokia 6.2 bhi ho sakta hai. Other features mein USB Type-C port, 3.5mm audio jack, glass rear panel bhi shaamil hain.

Saath hi 2nd April ko hone jaa rahe is event mein company Nokia 9 PureView ko bhi Taiwan mein launch karegi aur pricing details ke baare mein bhi hum tabhi information de sakenge.

In smartphones ka India launch bhi hum next month expect kar rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: