Nokia, Oppo Aur Redmi Ke Inn Smartphones Ke Price Gire, Rs 6,000 Tak Ka Price Cut Hai Inn Smartphones Par

Ek taraf companies apne new smartphones ko launch kar rahi hain, to wahin dusri taraf wah apne previous phones par price cut aur discount offer kar rahi hain. Aaj kuch companies ne apne smartphones par price cut ka announcement kiya hai. Inn mein Nokia, Redmi aur Oppo ke smartphones shaamil hai. Nokia ne Nokia 8.1 smartphone par, Oppo ne Oppo F11Pro aur Oppo A5 par aur Xiaomi ne Redmi Note 6 Pro par price cut kiya hai.

 

Oppo F11 Pro & Oppo A5

Oppo ne mid-range smartphone Oppo F11 Pro par Rs 2,000 ka price drop aur budget smartphone Oppo A5 par Rs 1,000 ka price drop announce kiya hai. Oppo F11 Pro ke 64GB variant ko company ne March 2019 mein India mein Rs 24,990 ki price par launch kiya tha. Last month iss phone par Rs 2,000 ka price drop company ne offer kiya tha jiske baad yeh phone Rs 22,990 mein available tha. Recent price cut ke baad ab yeh phone Rs 20,990 ki price par Amazon.in aur Flipkart par sale ke liye available hai. Issi ke saath Oppo A5 ko last year launch kiya gaya tha. Abhi tak iss phone ka 64GB variant Rs 12,990 mein sale kiya jaa raha tha. Price drop ke baad yeh phone aapko Rs 11,990 mein milega.

 

Nokia 8.1

Wide Notch display ke saath aane wale Nokia 8.1 smartphone ke dono variant par company price drop offer kar rahi hai. Nokia 8.1 smartphone ke 4GB/64GB variant ko company ne last year December 2018 mein Rs 26,999 ki price par launch kiya tha. Yeh variant Rs 6,000 ke price cut ke baad aapko Rs 21,000 mein milega. Iske alawa iss phone ke 6GB/128GB variant ko Rs 4,300 ki price drop ke baad Rs 26,999 mein purchase kar sakte hain.  Yeh price Amazon.in aur Nokia ki official website par already reflect kar di gayi hain. Iss phone mein Qualcomm Snapdragon 710 processor aapko milta hai. Phone mein 3500mAh ki battery aapko milti hai jo ki 18W ki fast charging ke saath aati hai.

 

Redmi Note 6 Pro

Dual front facing camera wala Redmi Note 6 Pro smartphone bhi price cut ke saath saamne aaya hai. Company ne iss phone ke 6GB/64GB storage variant par Rs 2,000 ka price drop kiya hai. Iss phone ko last year November 2018 mein India mein launch kiya gaya tha. Iss phone ki launching price Rs 15,999 rakhi gayi thi. Wahin Ab price cut ke baad aapko yeh phone Rs 13,999 mein milega. Mi.com se iss phone ko purchase karne par Rs 2,400 ka instant cashback diya jaa raha hai. Saath hi 6TB tak ka Jio data bhi aapko diya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: