Nokia G20 India mein Launch Hua; Jaanein Price & Features

Nokia G20 ke kayi rumors par stop lagaate huye HMD Global ne aaj is smartphone ko India mein launch kar diya hai. Company ne iska koi teaser ya promo nahin diya au rise aaj silently introduce kiya gya. Ye phone filhaal Amazon par listed hai aur iska price 12,999 INR se start hai. Iske sabhi specs bhi saamne aa chuke hain jinke baare mein aap aage padh sakte hain.

Nokia G20 4G smartphone hai aur ismein two storage variants aaye hain – 64GB aur 128GB. 4GB RAM ke saath 64GB storage model ka price 12,999 INR hai aur ye first sale mein July 7 ko Amazon par available hoga. Wahin 4GB ke saath 128GB storage variant first sale mein aayega ya thoda der se ye filhaal pata nahin hai.

Ab badhte hain specifications ki taraf, Nokia G20 mein 6.5 inch ki HD+ 20:9 display hai aur ye MediaTek ke Helio G35 chipset par chalta hai. Phone mein 4GB ki RAM ke saath 64GB / 128GB storage options diye gaye hain. Ismein Android 11 software hai, jis par company ne 2 saal ke upgrades ka promise kiya hai.

Iske alawa Nokia G20 mein quad rear cameras hain – 48 megapixel primary sensor, 5 megapixel ultra wide lens, 2 megapixel ka macro lens aur 2 megapixel ka depth sensor. Selfies ke liye ismein 8 megapixel ka camera waterdrop mein diya gaya hai.

Is affordable phone mein bado 5050mAh ki battery hai, lekin fast charging yahaan aapko nahin milegi. Ismein sirf 10W fast charging di gayi hai. Connectivity options mein Wi-Fi 802.11 b/g/n, Bluetooth 5.0, GPS, USB Type-C 2.0, dedicated microSD card slot, dual SIM slot shaamil hain.

HMD Global ne is saal apna sabse bada global event host kiya tha jismein Nokia G20 ke saath Nokia G10, Nokia C20, C10, aur 5G phones -Nokia X20 aur X10 bhi launch kiye gaye the. Lekin India mein 5G phones filhaal launch nahin huye hain aur jo 5G phones hi kharidna chahte hain unhein shayad Nokia ki taraf se thoda aur intezaar karna hoga.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: