Nokia 9 PureView Ki India Launch Date Announce Hui; Saath Hi Launch Ho Sakta Hai Ek Aur Smartphone

Nokia ka flagship smartphone, Nokia 9 PureView MWC 2019 ke dauraan announce kiya gaya tha, is smartphone mein five rear cameras hain aur yahi iski highlight bhi hai. Lekin taaza khabar ye hai ki aaj company ne iski India launch date announce kar di hai. Nokia 9 PureView ko India mein 6th June ko launch kiya jayega, jiske liye company invites bhi bhej chuki hai.

HMD Global ne 6th June ko ek smartphone launch event announce kiya hai, lekin iske invite mein handset ka naam mention nahin hai. Lekin is samay is company ki taraf se yahi ek bada smartphone hai, jo India mein launch hona baaki hai. Saath hi khabar ye bhi hai, ki company iske saath Nokia 1 Plus ko bhi India mein launch kar sakti hai.

Agar Nokia 9 Pureview ke features ki baat karein to, ismein 5.99 inch ki QHD+ OLED display hai, jo ki HDR10 support ke saath aane waali hai. Saath hi yahaan aapko Corning Gorilla Glass 5 protection bhi milti hai.

Is smartphone ka design aur body bhi sturdy hai, lekin ek major drawback yahi hai ki ismein last year ka flagship chipset Snapdragon 845 moujood hai.

Camera section mein aapko two 12 MP RGB sensors milte hain aur three 12 MP monochrome shooters hain aur ek extra yahaan par ToF camera bhi diya gaya hai. Jabki front par aapko 20 MP selfie snapper, f/1.8 aperture ke saath milta hai.

Is smartphone mein 3320mAh ki battery, Quick Charge 3.0 support ke saath milti hai aur ye Android 9.0 Pie OS ke saath India mein aayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: