Nokia 9 PureView, Five Rear Cameras Ke Saath India Mein Launch Hua: Price, Specs & Availability

HMD Global ne aaj India mein first penta cameras waala smartphone launch kiya hai. Aap samajh hi gaye honge ki main kis phone ki baat kar rahi hun. Ji haan, Nokia 9 PureView aaj finally yahan launch ho chuka hai. Is phone mein 12MP ke 3 RGB aur 2 monochrome cameras moujood hai aur company ki maanein to ye cameras, single rear camera ke mukaable 10 times jyada light capture kar sakte hain.

Nokia 9 Pure View mein 5.99 inch ki Quad HD pOLED display moujood hai aur is par Corning Gorilla Glass 5 resistance hai. Halaanki is samay par ye India mein aaya hai, jab 30-35K mein Snapdragon 855 chipset ke saath phones available hain. Lekin Nokia mein aapko abhi 2.8 GHz Octa Core Qualcomm Snapdragon 845 chipset milta hai aur saath hi kimat thodi jyada hai.

Nokia 9 PureView Android 9.0 Pie OS ke saath aata hai aur ismein 6GB ki RAM aur 128GB ki internal memory di gayi hai. Saath hi front par 20 MP ka sensor, Zeiss Optics ke saath milta hai. Ismein in-display fingerprint scanner bhi moujood hai aur saath hi IP67 certification ke saath ye water resistant bhi hai.

Is dual SIM based handset mein 3320mAh ki battery, fast charging aur Wireless charging support ke saath aapko milti hai.

Nokia.com aur Flipkart se aap Nokia 9 PureView ko 10th July se purchase kar sakte hain aur 17th July se ye phone leading offline smartphone retailers ke paas bhi available hoga. Is handset ka price 49,999 INR hai.

Iske alawa HDFC credit card holders ke liye is phone ki purchase par 10% ka instant cashback hai. Saath hi limited period ke liye aapko iske saath 5,000 INR ka gift card aur 9,999 INR ke Nokia 705 Wireless Bluetooth earbuds free mein mil rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: