Nokia 9 Pure View Ki Leaks Aayi Saamne, Penta Cameras Ke Saath Jaldi Hi Ho Sakta Hai Launch

Jahan Nokia 9 Pure View jaldi hi market mein launch hone wala hai, wahin iske launch se pehle hi iski rumors din par din bhadti jaa rahi hai. Haal hi mein instagram par leak huyi ek image saamne aayi hai, Jahan phone ki front screen dekhi jaa sakti hai. Iske alawa phone ke case ki leaks images bhi dekhi jaa sakti hain. Jis se expect kiya jaa sakta hai ki yeh phone 5 rear camera ke saath launch ho sakta hai. Agar yeh rumors sahi saabit hoti hai to Nokia ki taraf se aane wala yeh pehla phone hoga jo 5 camera ke saath launch kiya jaaega.

Dikhayi de rahi images mein phone ke front panel par kaafi kam bezels dikhayi de rahi hain. Saath hi phone ke top par audio output ke liye speaker bhi nazar aa raha hai. Instagram par jahan iss phone ki leaks images saamne aayi hain wahin kuch specifications bhi batayi gayi hain. Jahan bataya jaa raha hai ki yeh phone Qualcomm snapdragon 845 processor ke saath launch kiya jaa sakat hai. Iske alawa Nokia 9 Pure View mein aapko 5.9 inch ki QHD+ screen bhi dekhne ko mil sakti hai. Jiska screen aspect ratio 18:9 ho sakta hai.

Image Credit: Androidpure.com

Internal storage ki baat ki jaaye to phone mein aapko 8GB RAM aur 128GB internal storage mil sakti hai. Jahan yeh phone 4150mAh ki battery ke saath launch ho sakta hai. Inn sabhi specification ke saath aane wala yeh phone ek flagship phone ban sakta hai. Nokia 9 Pure View Android based phone hoga jismein aapko Android 9 Pie OS mil sakta hai.

Kuch samay se ache smartphone ko market mein launch karne ke baad Nokia ke iss flagship phone ka intejaar customers ko hai. Haanki iss phone mein aane wala processor latest launch processor ke compare mein down hai. Rumors ki according yeh phone unn sabhi customers ko pasand aa sakta hai jo ki phone mein kisi bhi tarah ki notch ko pasand nahi karte hain.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: