Nokia 8.1 Ki India Launch Date Aur Price Leak Hui, 28 November 2018 Ko Is Price Ke Saath Kiya Jayega Launch

Nokia 7.1 Plus ke baare mein to aap sun hi chuke hain, lekin India mein ab ye smartphone Nokia 8.1 ke naam se launch kiya jayega. Lekin aaj is smartphone ki launch date ke saath saath India price bhi leak ho chuki hai.

Ye wahi smartphone hai jise China mein Nokia X7 ke naam se launch kiya gaya tha.

91 mobiles ki report ke according, Nokia 8.1 ka India launch November 28 ko hone waala hai. Halaanki company ki taraf se press invites abhi aane baaki hain. Nokia 8.1, China ke Nokia X7 ka hi global version hai. Aaiye iske specs par bhi ek baar phir se nazar daalte hain.

Nokia 8.1 mein 6.18 inch ki full HD+ display hogi aur saath hi ismein ek badi notch bhi hai, jismein front camera aur sensors diye gaye hain. Is smartphone mein 13 MP ka primary rear camera hoga aur 12 MP ka secondary rear shooter moujood hoga. Nokia 8.1 mein aapko 24 MP ka selfie camera milne waala hai.

Is mid-range smartphone mein Qualcomm ka naya chipset Snapdragon 710 diya gaya hai aur saath hi Adreno 616 GPU bhi hai. Yahaan aapko 3500mah ki battery, fast charging support ke saath milti hai aur rear mounted fingerprint scanner bhi hai.

Iske alawa Nokia X7 ke three versions launch huye the, jinmein 4GB+64GB, 6GB+64GB aur 6GB+128GB storage options shaamil hain. Lekin, globally Nokia 8.1 mein kaun se storage options milenge, ye abhi confirm nahin hai.

Agar price ki baat karein, to Nokia 8.1 ka jo price leak hua hai, wo 23,999 INR hai. Saath hi ismein aapko Google ke augmented reality platform, Google AR Core ka bhi support milta hai.

Well, is price point par upcoming Nokia 8.1 kayi saare smartphones ke saath compete karega, jinmein Samsung Galaxy A7 jaise handsets bhi shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: