Poore Design Aur Colors Present Karti Nokia 7 Plus Ki Image Leaked

Nokia 7 Plus ek Android One smartphone hai jiska MWC 2018 mein launch hona lagbhag tay hi hai. Well, abhi tak iske bahut se rumors aaye hain, lekin haal hi mein jo tasveer Nokia 7 Plus ki leak hui hai wo ek real image hai jo har taraf se Nokia 7 Plus ke design ko reveal kar rahi hai.

Agar ye information, puri tarah se sahi hoti hai to Nokia 7 Plus HMD Global ka pehla Android One Smartphone hoga jiski jhalak aap MWC 2018 mein kal dekhenge. Upar di gayi picture se ye saaf zaahir hota hai ki ye smartphone Black aur White color mein launch ho sakta hai aur dono hi color variants mein edges par aap slim orange line bhi dekh sakte hain.

Nokia 7 Plus aluminium unidody design ke saath aa sakta hai jismein 6 inch ki full HD+ display jo ki 18:9 ratio ke saath aayegi, hogi. Saath hi ye Qualcomm Snapdragon 660 processor ke saath aayega aur ismein 4GB ki RAM aur 64GB ki storage hogi.

Nokia 7 Plus mein 16 MP ka selfie snapper hoga jabki rear panel par 12 MP aur 13 MP ka dual camera setup hoga jo center mein vertically diya gaya hai aur uski ke thik niche fingerprint scanner bhi hai. Ye rear camera setup Carl Zeiss lens ke saath aayenge. Saath hi Nokia ne ismein aapke liye OZO Audio and Bothie photo shooting mode bhi diya hai.

Ye smartphone Android 8.0 Oreo software ke saath aapko milega. Ye smartphone ab tak kewal China mein launch huye Nokia 7 ka upgraded version hoga jiski kimat lagbhag 32,000 INR hogi.

 

Via

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: