Nokia 7.1 Nahin, Kal Nokia 3.1 Plus Hoga India Mein Launch: Specs Aur Image Leak Huye

HMD Global kal India mein ek smartphone launch karne jaa raha hai. Company ne New Delhi mein kal hone waale launch event ke invites pehle hi bhej diye hain. Lekin kahaani mein aaj ek naya twist ye hai ki kal Nokia 7.1 ya b7.1 Plus launch nahin hone wala hai.

Kal launch hone waale Nokia smartphone ka naam Nokia 3.1 Plus hai.

Aaiye bataate hain ki aapko ismein kya features milne waale hain.

Ek leaked image se ye saamne aaya hai ki Nokia 3.1 Plus mein 6.1 inch ki HD+ display, 18:9 aspect ratio ke saath milne waali hai. Iske alawa ismein MediaTek ka Octa Core processor hoga, lekin is chipset ka naam nahin pata chal saka.

Saath hi Nokia 3.1 Plus mein 13 MP ka primary rear camera hoga aur 5 MP ka secondary rear camera yahaan depth focusing ke liye mila hai. Iske alawa ismein 8 MP ka selfie shooter bhi moujood hai.

Halaanki ye ek budget smartphone hai, lekin battery se aapko shikayat nahin hogi, kyunki ismein 3500mAh ki battery hai, jo din bhar ke liye kaafi hai. Maana jaa raha hai ki iske rear panel par fingerprint scanner bhi moujood hoga, lekin ismein aapko notch display nahin milegi. Otherwise image mein dekhein to waakyi handset ki side bezels kaafi slim hai.

Ab karte hain, sabse interesting baat, yaani ki Nokia 3.1 Plus ka price kya hoga.

Well, aapke dimaag mein kya chal raha hai ?

Chaliye jyada sochte nahin hai, expect kiya jaa raha hai ki, is smartphone ka price 10,000 INR ke under hi hoga.

Baaki details hum aapko kal launch hote hi zaroor bataayenge.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: