Nokia 7.1 Ki Press Images, Design, Specs Aur Pricing Details Leak Huye

HMD Global ne haal hi mein India mein ek launch event announce kiya hai aur expect kiya jaa raha hai ki ismein Nokia 7.1 aur 7.1 Plus ko launch kiya jaa sakta hai. Saath hi in dono smartphones ka global launch kal yaani ki 4th October ko ho sakta hai.

Lekin in sabse pehle aaj Nokia 7.1 ki official images leak ho chuki hain, saath hi inke specs aur price se judi jaankaari bhi saamne aayi hai.

To aaiye pehle dekhte hai, Nokia 7.1 ka design

 

Neeche di gayi image mein is aap dekh sakte hain ki front par ismein aapko notch mil jaata hai aur bezel-less display hai. Neeche ke bezel mein Nokia ki branding hai, aur notch mein aapko front camera aur earpiece diya gaya hai.

Iske alawa rear panel par Zeiss optics dwara dual cameras fit kiye gaye hain aur thik inke neeche center mein fingerprint scanner bhi moujood hai. Right edge par aapko volume rocker aur uske neeche power button milta hai. Aap dekh hi sakte hain ki is smartphone ka design kaafi hadd tak Nokia 6.1 Plus se milta hai.

Nokia 7.1 mein 5.84 inch ki HD+ display aa sakti hai aur ye Snapdragon 710 processor par chalega. Iske RAM aur storage options aap neeche dekh sakte hain. Iske alawa ismein 12+5 MP ka dual rear camera aa sakta hai. Jabki selfie shooter 8 MP ka hoga. Ummid hai ki ismein Android 8.1 Oreo OS ho, lekin jaldi hi update bhi mil sakta hai.

Is smartphone ke pricing details jo saamne aaye hain, unke according ye kaafi costly lag raha hai. Is handset ke 3GB+32GB version ki European cost 349 Euros (approx. 30,000 INR) hai, jo ki bahut jyada hai aur wahin iske 4GB+64GB variant ki kimat 399 Euros (takreeban 34,000 INR) hai.

Halaanki India mein ye smartphones kis price ke saath aate hain, ye kehna mushkil hai, lekin is samay country mein 3GB+32GB storage ke saath aane waale kayi achhe smartphones apko 15,000 INR tak mein easily mil jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: