Nokia 7.1 Ke Baad, Latest Chipset Aur Three Storage Options Ke Saath Nokia X7 (Nokia 7.1 Plus) China Mein Announce Hua

Isi month ke starting mein HMD Global ne Nokia 7.1 ki announcement ki thi, aur finally company ne Nokia X7 yaani ki Nokia 7.1 Plus ko bhi China mein launch kar diya hai. Ye ek mid-range Android one smartphone hai jo Dark Blue, Red, Silver aur Midnight Black color mein aane waala hai. Ismein aapko three storage versions milenge.

Specifications

Nokia X7 mein 6.18 inch ki full HD+ display, notch ke saath di gayi hai. Saath hi ismein 18.7:9 aspect ratio hai. Ye smartphone Qualcomm ke latest mid-range chipset Snapdragon 710 ke saath aane waala hai, saath hi Adreno 616 GPU bhi moujood hai.

Nokia X7, mid-range segment mein hone ke baad bhi, hybrid dual SIM slot ke saath aayega, jo ki ek kami hai is handset ki. Saath hi ismein aapko rear mounted fingerprint scanner mil raha hai.

Achhi baat ye hai ki ismein dual rear camera setup hai, jo Carl Zeiss optics ka hai. 12 MP ka primary rear shooter f/1.8 aperture, dual-tone LED flash aur Sony IMX363 sensor ke saath aayega. Wahin 13 MP ka secondary rear sensor f/2.2 aperture ke saath milta hai. Halaanki agar aap selfie lover hain, to aapke liye yahaan 20 MP ka camera hai, jo f/2.0 aperture ke saath fit kiya gaya hai.

Nokia X7 mein 3500mAh ki battery, fast charging support ke saath hai, aur hum expect karte hain ki ye din bhar ki mixed usage ke liye kaafi honi chahiye. Iske alawa aap is smartphone mein two 4G SIMs ek saath use kar sakte hain, kyunki ye dual 4G VoLTE support ke saath aayega.

Storage, Price And Availability

Ab karte hain, ki smartphone ke storage options aur unki pricing details ki baat.

  • 4GB RAM + 64GB ROM – 1699 yuan (approx. 18,000 INR)
  • 6GB RAM + 64GB native storage – 1999 yuan (approx. 21,000 INR)
  • 6GB RAM + 128GB ROM – 2499 yuan (approx. 26,500 INR)

China mein ye handset 23rd October se available hoga. Saath hi is Nokia X7 ka global launch bhi jaldi hi expect kiya jaa raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: