Nokia 7.1, HDR 10 Display Ke Saath Announce Hua, Mid-Range Price Ke Saath Jaldi Hi India Mein Lega Entry

Jaisa ki hum sabhi expect kar hi rahe the aur hazaaron leaks mein aane ke baad, HMD Global ne London mein Nokia 7.1 ko launch kar diya hai. Ye ek mid-range smartphone hai aur Europe mein aaj se hi pre-order ke liye available hai. Company ne India mein 11th October ko bhi ek event announce kiya hai aur ummid hai ki us din yahi handset India mein launch hoga.

Aaiye jaante hain ki kya khaas hai Nokia 7.1 mein aur kya hai iska starting price.

Nokia 7.1 ki sabse khaas cheez hai, iski display. Ismein 5.84 inch ki full HD+ display hi di gayi hai, lekin saath hi ismein HDR 10 support bhi hai jo 1 second mein 500 million pixels process karta hai aur aapko accurate HDR video provide karta hai. Saath hi ye screen aapko 80 percent screen to body ratio aur 19:9 aspect ratio ke saath milti hai aur upar ki taraf notch bhi moujood hai. Iske alawa screen apne aap hi indoor aur outdoor lighting situation ke according adjust ho jaati hai aur isiliye company ne ise Pure display ka naam diya hai.

Ye bhi company ka ek Android One smartphone hi hai, jise Android 8.1 Oreo OS ke saath launch kiya hai, lekin saath hi company ne jaldi hi is par Android Pie update dene ki baat bhi kahi hai. Ismein Octa Core Qualcomm Snapdragon 636 processor hai aur ye hybrid dual SIM support ke saath aata hai.

Nokia 7.1 mein 12 MP ka RGB primary rear camera hai jo dual LED flash light aur f/1.8 aperture ke saath diya gaya hai. Saath hi ismein 5 MP ka secondary monochrome camera bhi hai jo f/2.4 aperture ke saath aata hai. Iska front camera 8 MP ka hai, jo f/2.0a aperture aur AI technology ke saath notch mein fit kiya gaya hai.

Ismein rear mounted fingerprint scanner bhi moujood hai aur iski battery capacity 3600mAh hai aur ye fast charging support ke saath aayegi. Iske alawa ye dual 4G VoLTE support ke saath aayega aur iska microSD card slot 400GB tak ka card support karta hai.

Nokia 7.1 ka 3GB+32GB version 299 Euros (approx. 25,500 INR) ki kimat par launch hua hai, jabki iska 4GB+64GB variant 319 Euros (approx. 27,000 INR) mein available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: