Nokia 6 (2018), Nokia 7 Plus aur Nokia 8 Sirocco MWC 2018 Ke Baad Aaj India Mein Launch Huye

Apna pehla Android Oreo Go Edition smartphone launch karne ke baad aaj HMD Global ne India mein apne baaki sabhi Nokia smartphones bhi ek launch event ke dauraan launch kiye jinmein Nokia 6 (2018), Nokia 7 Plus aur Nokia 8 Sirocco shaamil hain.

Ye sabhi Android One smartphones hain aur Android 8.0 Oreo OS par chalet hain, saath hi company ne ye bhi promise kiya hai ki inmein Android P update bhi aayega.

Ab baat karte hain in sabhi Nokia phones ki specifications aur availability ki.

Nokia 6 (2018) mein 5.5 inch ki full HD display hai jis par Corning Gorilla Glass 3 protection hai aur saath hi Snapdragon 630 chipset diya gaya hai. Ye handset 3GB RAM aur 32GB storage ke saath milega. Ismein 16 MP ka rear aur 8 MP ka front camera diya gaya hai. Ismein rear panel par fingerprint scanner moujood hai aur battery capacity 3000mAh ki hai.

Nokia 7 Plus mein 6 inch ki full HD+ 2.5D curved glass display hai aur Snapdragon 660 chipset hai. Is smartphone mein 4GB ki RAM aur 64GB ki internal memory di gayi hai jise aap microSD card dwara another 256GB tak expand kar sakte hain. Is smartphone mein 12 aur 13 MP ke rear cameras diye gaye hain aur saath hi 16 MP ka frontal snapper bhi moujood hai. Is hybrid dual SIM waale handset mein fingerprint scanner bhi moujood hai aur 3800mAh ki battery fast charging support ke saath di gayi hai.

Nokia 8 Sirocco is smartphone range ka high-end model hai jismein aapko 5.5 inch ki QHD pOLED display di gayi hai aur is par Corning Gorilla Glass 5 ki protection layer hai. Ye handset Snapdragon 835 processor ke saath aayega aur ismein bhi 12 + 13 MP ka dual rear camera setup hai aur front par 5 MP ka sensor diya gaya hai. Ismein 3260mAh ki battery hai jo fast charging aur wireless charging support ke saath aayegi.

Nokia 8 Sirocco ek dust aur water resistant smartphone hai jo IP67 certified hai aur ismein 6GB ki rAM ke saath aapko 128GB ki onboard memory di gayi hai jise aap microSd card slot ka use karke badha bhi sakte hain.

Ye sabhi smartphones Android 8.0 Oreo software par chalte hain aur inke camera Carl Zeiss dwara banaaye gaye hain. Inke connectivity features mein 4G VoLTE, 3G / HSPA+, EDGE / GPRS, Wi-Fi 802.11ac, Bluetooth 5.0, GPS + GLONASS, USB Type C 3.1 port, NFC, hybrid dual SIM support and 3.5mm audio jack.

Ab baat karte hain inki pricing details ki:

Nokia 8 Sirocco kewal Black color mein India mein available hoga jiski kimat 49,999 INR hai. Iske pre-orders 20th April se start honge, jabki ye sale ke liye 30th April se uplabdh hai.

Nokia 7 Plus ka price 25,999 INR hai aur ye Black / Copper aur White / Copper colors mein available hai. Iski pre-bookings bhi Amazon par 20th April se start hongi aur 30th April se ye on sale available hoga.

Nokia 6 (2018) ko aap 16,999 INR mein kharid sakte hain aur ye 6th April se offline market mein available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: