Nokia 6 Ka 4GB RAM Variant India Mein Launch Hua, Kimat Hogi 16,999 INR

Is baat ki charcha to pehle se chal hi rahi hai ki HMD Global MWC 2018 mein Nokia smartphones ki nayi range showcase karne waali hai. Lekin aaj MWC se lagbhag 2 weeks pehle company ne Nokia 6 ka 4GB RAM variant India mein launch kiya jiski kimat 16,999 INR hai aur ye jaldi hi kewal Flipkart par available hoga.

Nokia 6 ko India mein pichle saal June mein 3GB RAM ke saath launch kiya gaya tha. Ab 3GB ke alawa customers is smartphone ko 4GB RAM aur 64GB storage ke saath 20 February se kharid sakenge. Halaanki China mein Nokia 6 ka ye version bhi Nokia 3 aur 5 ke sath launch ho gaya tha, lekin India mein kewal iske 3GB RAM variant ko hi launch kiya gaya.

India mein is handset ko tab launch kiya gaya hai jab naya Nokia 6 (2018) pichle mahine hi China mein launch ho chuka hai aur ab shayd MWC 2018 ka bhi hissa banega.

Aaj aaye Nokia 6 mein storage ke alawa sab kuch same hai. Ismein 4GB ki RAM, 64GB ki storage ke alawa 5.5 inch ki full HD 2.5D curved glass display hai. 16 MP ka rear camera, dual tone LED flash, f/2.0 aperture aur PDAF ke saath aata hai. Iska front camera bhi 8 MP ka hai jismein 84 degree wide angle lens aur f/2.0 aperture jaise features hain.

Nokia 6 ke home button mein hi fingerprint scanner diya gaya hai aur iski battery 3000mAh ki hai. Ye smartphone Octa Core Qualcomm Snapdragon 430 processor par chalta hai aur saath hi Adreno 505 GPU bhi diya gaya hai.

Is hybrid dual SIM based Nokia 6 ko kewal Black color mein aap Flipkart se 20 February se kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: