Nokia 6.2 Aur Nokia 7.2 Smartphones, Jaldi Hi Kar Sakte Hain India Mein Entry

HMD Global, Indian aur Russian market mein apne do smartphones Nokia 6.2 aur Nokia 7.2 ko launch karne ki taiyari mein laga hua hai. Nokia power user ki maane to yeh dono phones August mein launch kiye jaa sakte hain. Dono phones mein kaafi specs same dekhne ko mil sakte hain, jinmein water drop notch display, rear mounted finger print scanner aur  full HD+ IPS LCD display include hain.

Sources ki according inn phones mein 6GB RAM ke saath 128GB internal storage di jaa sakti hai. Maana jaa raha hai ki Nokia 6.2, Nokia X71 ka hi re-branded variant ho sakta hai. Iss phone mein dual rear camera setup mil sakta hai, jahaan primary camera 48MP ka Carl Zeiss lens ke saath aur secondary camera 120-degree ultra-wide angle lens ke saath diya jaa sakta hai. Iss phone mein punch-hole selfie camera mil sakta hai.

Nokia 6.2 mein company mein Snapdragon 700 series chipset ko use kar sakti hai, haalanki Nokia X71 mein company ne Snapdragon 660 chipset ko use kiya hai. Phone mein Android 9.0 out-of-the-box  operating system mil sakta hai. Phone mein 3500mAh ki battery fast charging support ke saath di jaa sakti hai aur 3.5mm headphone jack bhi iss phone mein dekhne ko mil sakta hai. Nokia 7.2 mein HDR10 ka support diya jaa sakta hai. Iss device ki battery mein aapko Qualcomm quick charge ka support mil sakta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: