Nokia 6.1 Plus Aur Nokia 5.1 Plus India Mein 19:9 Display Aur Dual Rear Cameras Ke Saath Launch Huye

HMD Global ne New Delhi, India mein ek launch event ke dauraan May mein launch huye Nokia 6.1 ka successor Nokia 6.1 Plus launch kiya hai. Is smartphone ka launch expected tha, lekin surprisingly iske saath Nokia 5.1 Plus ne bhi India mei entry kar li hai.

Nokia 6.1 Plus

Nokia 6.1 Plus ka price 15,999 INR hai aur ye 30th August se sale ke liye available hai. Iske pre-orders 21st August yaani ki aaj se hi start ho rahe hain.

Jaise ki teasers mein hum dekh hi chuke hain, ki Nokia 6.1 Plus ek Flipkart exclusive handset hai. Ismein 5.8-inch ki FHD+ display hogi aur ye Octa Core Qualcomm Snapdragon 636 processor par chalega. Ismein 4GB ki RAM aur 64GB ki inbuilt memory moujood hogi. Saath hi ismein 16 + 5 MP ka dual rear camera setup diya gaya hai jo f/2.0 aperture aur LED flash light ke saath aayega. Iske front par 16 MP ka camera fit kiya gaya hai. Ismein 3060mAh ki battery di gayi hai.

Nokia 5.1 Plus

Wahin Nokia 5.1 Plus mein aapko 5.86-inch ki display milti hai jo HD+ resolution ke saath aayegi. Ismein Octa Core MediaTek Helio P60 chipset diya gaya hai aur saath hi 3GB ki RAM aur 32GB ki internal memory bhi moujood hai.

Nokia 5.1 Plus mein 13 MP + 5 MP ka dual rear camera setup hai, jo ki f/2.0 aperture, LED flash light aur PDAF features ke saath aata hai. Iska front camera 8 MP ka hai jo f/2.2 aperture aur 80.4 degree wide angle lens ke saath aata hai. Ismein bhi 3060mAh ki battery di gayi hai, lekin dono hi smartphones mein koi fast charging support nahin hai.

Nokia 5.1 Plus bhi ek Flipkart exclusive hi hoga aur September mein India mein sale ke liye available hoga. Lekin iska price abhi company ne disclose nahin kiya hai. Expected ye hai ki availability ke aas-paas aate hi price bhi saamne aa jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: