Nokia Daredevil Hi Hai Nokia 5.2, Saamne Aaye Leaked Specs Aur Images

Nokia apne ek aur smartphone ko launch karne ki taiyari kar raha hai. Phone ka naam Nokia Daredevil bataya jaa raha hai. Yeh iss phone ka code name hai. Sources ki maane to yeh phone Nokia 5.2 ho sakta hai. Phone ki specs details, Nokia Anew ke twitter handle ke dwara saamne aayi hain.

Tweet ke through saamne aayi details mein bataya gaya hai ki iss phone mein humein Zeiss optics, OZO audio aur pure display dekhne ko mil sakti hai. Yeh sabhi features humein pehle Nokia 5 series smartphones mein dekhne ko mil chuke hain. Issi wajah se expect kiya jaa raha hai ki company kuch advance features ke saath Nokia 5.2 ko launch kar sakti hai. Last year company ne Nokia 4 series ko replace karte huye Nokia 5 ko introduce kiya tha. Jo features tweet mein post kiye gaye hain, unse expect kiya jaa raha hai ki yeh phone premium segment mein launch kiya jaa sakta hai, jismein humein inn sabhi specs ke alawa aur bhi premium features dekhne ko mil sakte hain.

Last week saamne aayi iss phone ki leak images mein, phone ko water drop notch ke alawa kaafi thick bezels ke saath dekha gaya tha. Iske alawa phone ke rear panel par circular module dikhai de raha hai jismein three camera sensors aur LED flash dekha gaya hai. Rumors ki according phone mein 48MP Zeiss optics ka primary lens diya jaa sakta hai. Issi ke saath maana jaa raha hai ki iss phone mein Snapdragon 660 chipset bhi dekhne ko mil sakta hai, saath hi phone mein 3500mAh ki battery bhi di jaa sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: