Android One Smartphone Nokia 5.1 Plus India Mein Launch Hua; Flipkart Par 1st October Se Available

HMD Global ne bhi aaj India mein apna ke budget smartphone launch kiya hai, jiska naam hai Nokia 5.1 Plus. Is smartphone ko aap 1st October se Nokia.com aur Flipkart ke through kharid sakte hain.

Company ka ye latest mid-range smartphone is se pehle China mein Nokia X5 ke naam ke saath launch kiya jaa chuka hai. India mein is handset ki kimat hai 10,999 INR aur saath hi ye bhi ek Android One smartphone hai, yaani ki aane waale teen saalon tak aapko Android updates milte rahenge.

Nokia 5.1 Plus mein 5.8 inch ki HD+ LCD display fit ki gayi hai aur saath hi is par 2.5D curved glass layer bhi hai. Achhi baat ye hai, ki ismein aapko notch display milti hai, aur notch mein 8 MP ka front camera, f/2.2 aperture ke saath fit kiya gaya hai.

Nokia 5.1 Plus mein 13 MP ka primary rear camera hai jo f/2.0 aperture aur LED flash light ke saath aayega, jabki 5 MP ka secondary shooter depth focusing ke liye diya gaya hai. Iska front camera 8 MP ka hai aur AI powered selfie portrait aur beauty mode ke saath milta hai.

Is handset ko power dene ke liye ismein 2.0 GHz Octa Core MediaTek Helio P60 12nm processor diya gaya hai, ismein four Cortex A53 cores hain aur four Cortex A73 cores. Iske alawa aapko ismein 3GB ki RAM aur 32GB ki inbuilt memory milti hai.

Android 8.1 Oreo OS ke saath aane waale Nokia 5.1 Plus mein 3060mAh ki battery hai aur saath hi dual 4G VoLTE support bhi mil raha hai. Is handset mein hybrid dual SIM slot diye gaye hain, yaani ki second SIM slot mein aap microSD card ya nano SIM, dono mein se ek hi cheez insert kar sakte hain.

Nokia 5.1 Plus ke pre-orders aaj se hi shuru ho chuke hain aur sale 1st October se start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: