Nokia 4.2 Iss Date Par Hone Wala Hai India Mein Launch, Social Media Handle Par Kiya Launch Date Ka Announcement

HMD Global ne apne twitter handle par ek teaser video post kar ke yeh bataya hai ki company 7th May ko Nokia 4.2 smartphone ko India mein launch karegi. Dikhai de rahe video mein company ne hashtag ke saath Doitall  ko mention kiya hai. Teaser post mein phone ka look to reveal nahi kiya gaya hai lekin phone ka power button aur sim card slot aapko dikhai deta hai. Yeh smartphone Mobile World Congress 2019 event ke duaraan Spain mein already show kiya jaa chuka hai. Iss phone ke saath company ne Nokia 3.2 ko bhi show kiya tha lekin abhi Nokia 3.2 ke launch ko le kar company ne koi announcement nahi ki hai. Lekin expect kiya jaa raha hai ki Nokia 4.2 ke saath company Nokia 3.2 ko bhi launch kar sakti hai.

MWC 2019 event mein phone ke showcase ke duaraan iske specs humare saamne aa chuke the. Iss phone mein Google Assistant ke liye ek dedicated icon aapko milta hai. Nokia 4.2 mein 5.71 inch ki HD+ Si TFT display di gayi hai jiska screen aspect ratio 19:9 hai. Phone mein Octa Core Snapdragon 439 processor diya gaya hai jo ki Adreno 505 GPU ke saath aata hai.

 

Event mein iss phone ko 2 storage variants mein show kiya gaya tha jismein 2GB/16GB aur 3GB/32GB variants available the. Iss phone mein dual rear camera setup diya gaya hai jo ki 13MP aur 2MP lens ke saath aata hai. Saath hi front facing camera 8MP ka diya gaya hai.

 

MWC 2019 event mein iss phone ke 2GB/16GB variant ki keemat $169 (~Rs 11,500 )  aur 3GB/32GB variant ki keemat $199 (~Rs 13,600) batayi gayi thi. Ab Indian market mein yeh phone kis price tag ke saath launch kiya jaayega iske liye 7th May ko hone wale launch ka intejaar humein karna padega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: