Nokia 4.2 India Mein Launch Hua: Price, Specs & Launch Offers

HMD Global ne apne announcement ke according, aaj India mein finally Nokia 4.2 ko announce kar diya hai. Ye ek budget smartphone hai jo May 7, 2019, yaani ki aaj se Nokia.com/phones par seven days ke liye available hai. Iske baad 14th May se aap Nokia 4.2 ko Croma, Reliance, Sangeetha, Poorvika, Big C aur MyG jaise major retail partners se purchase kar sakte hain. Finally 21st May se, ye smartphone India ke sabhi leadin retail stores par available hoga.

Ab aate hain specs ki taraf, Nokia 4.2 mein company ne waterdrop notch ke saath 5.71 inch ki HD+ display di hai. Ye smartphone Octa Core Qualcomm Snapdragon 439 processor aur Adreno 505 GPU par kaam karega. Ismein kewal ek hi storage option launch kiya gaya hai, jismein 3GB ki RAM aur 32GB ki internal memory moujood hai.

Nokia 4.2 mein 13+2 MP ke dual rear cameras hain, jo ki LED flash light, f/2.2 aperture aur PDAF ke saath diye gaye hain. Saath hi yahaan rear mounted fingerprint scanner bhi diya gaya hai. Selfie ke liye yahaan 8MP ka front camera f/2.0 aperture ke saath moujood hai. Is dual SIM based smartphone mein aapko 3000mAh ki battery milti hai, lekin yahaan koi fast charging option nahin hai.

Iske alawa is latest Nokia handset mein Google Assistant ke liye dedicated button aur dedicated microSD card slot bhi diya gaya hai, jo ki 400GB tak ke memory cards accept karta hai. Upar aapko waterdrop notch mein selfie camera diya gaya hai, lekin notification light is smartphone mein se remove nahin ki gayi hai. Company ne notification light yahaan power button par hi di hai.

Is Android 9.0 Pie OS based smartphone ko aap Black and Pink Sand color versions mein, 10,990 INR ke price par purchase kar sakte hain.

Launch Offers

  • 10th June 2019 se pehle, is smartphone ko “LAUNCHOFFER” promo code use karke kharidne par, customers ko instant 500 INR ka off milega.
  • HDFC debit / credit cards ke through, Nokia 4.2 ko purchase karne par 10% ka off diya jayega.
  • Vodafone aur Idea customers ko, is phone ko purchase karne par 2,500 INR ka cashback, vouchers ke form mein milega.
  • 3,500 INR ki six month screen replacement bhi aapko free mein offer ki jaa rahi hai.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: