Nokia 3.2 Launched In India, Check Here For Price And Specifications

HMD Global ne aaj India mein apne ek aur budget smartphone Nokia 3.2 ko launch kar diya hai. Iss month ki starting mein hi company ne Nokia 4.2 ko bhi India mein announce kiya tha. Launch ke saath company ne kuch offers bhi diye hain jo ki purchasing ke time par user ko provide kiye jaayenge. Company ne Nokia 4.2 aur Nokia 3.2 ko sabse pehle MWC 2019 event mein show kiya tha.

Nokia 3.2 mein company ne 6.26-inch ki HD+ a-Si TFT LCD display di hai jiska screen aspect ratio 19:9 diya gaya hai. Phone ki display mein 2.5D curved glass ko use kiya gaya hai. Company ne iss phone mein Qualcomm Snapdragon 429 processor ko use kiya hai saath hi ismein aapko Adreno 504 GPU milta hai. Iss phone mein Android 9 Pie operating system diya gaya hai.

Nokia 3.2 ko company ne 2 storage variants mein announce kiya hai jahaan aapko 2GB RAM ke saath 16GB internal storage aur 3GB RAM ke saath 32GB internal storage milta hai. Phone mein aapko rear panel par 13MP  (f/2.2 aperture) ka single camera dekhne ko milta hai, wahin front panel par 5MP  (f/2.2 aperture) ka selfie camera diya gaya hai. Iss phone ke 3GB/32GB variant meni aapko finger print scanner ka option milega, jabki dono mein hi aapko face unlock support milta hai.

Company ne iss phone ko Black aur Steel Grey color mein launch kiya hai. Yeh phone dual sim support ke saath aata hai. Saath hi 4G VoLTE ka support bhi milta hai. Phone mein 4000mAh ki battery milti hai. Iske alawa yeh phone WiFi 802.11 802.11 b/g/n, Bluetooth 4.2, GPS/AGPS, GLONASS, BeiDou jaise connectivity option offer karta hai. Iss phone ke 2GB/16GB variant ko aap Rs 8,990 aur 3GB/32GB variant ko Rs 10,790 ki price par purchase kar sakte hain. Yeh phone 23rd May se India mein sale ke liye sabhi offline stores mein par aur online market mein available hoga.

 

Launch Offers On Nokia 3.2 

Iss phone ko offline purchase karne par HDFC credit ya debit card ke through payment karne par consumers ko 10% cashback diya jaayega. Iske alawa Vodafone aur Idea users ko Rs 50 ke 50 vouchers diye jaayenge jisse unhe Rs 2,500 ka cashback milega. Iss offers ka benefit unhe Rs 199 ke recharge par milega. Iske alawa iss launch offer mein aapko Nokia ki taraf se one time screen replacement ka offer bhi diya jaa raha hai jo ki 6 months ke liye valid hoga. Iske alawa user ko ek promo code LAUNCHGIFT  receive hoga jo ki Rs 1000 ka ek gift card hai. Ise aap 30th June tak use kar sakte hain.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: