Nokia 3. 2 Aur Nokia 4.2 Jaldi Hi Ho Sakte Hain India Mein Launch, Official Website Par List Huye Sabhi Specs

HMD Global ne MWC 2019 event mein Nokia ke 2 naye smartphone Nokia 3.2 aur Nokia 4.2  ko show kiya tha. Expect kiya jaa raha hai ki company inn dono phones ko India mein launch kar sakti hai. Dono hi phones Nokia ki official website par listed hain jahaan aap inke specs bhi dekh sakte hai. Haalanki inn phones ki price ko website par reveal nahi kiya gaya hai. Reports ki according Nokia 4.2 iss week ki shuruaat mein Malasiya mein launch kiya jaa chuka hai saath hi Nokia 3.2 Germany mein pre-order ke liye available hai. Website par aapko phones ke saath sign up form bhi dikhai dega.

Nokia 4.2 Specifications 

Nokia 4.2 mein 5.71 inch ki HD+ display dekhne ko milegi jismein front aur rear dono panel par 2.5D curved glass display ko use kiya gaya hai. Yeh phone dot notch display ke saath aata hai. Phone ki screen ka aspect ratio 19:9 diya gaya hai. Nokia 4.2 mein aapko pure Android  operating system experience dekhne ko milega jismein Android One based Android 9 pie diya gaya hai. Website par list kiye gaye specs mein yeh phone 2 color variants mein show kiya gaya hai jahaan aapko Black aur Pink Sand color dekhne ko milenge.

 

Iss phone mein Qualcomm Snapdragon 439 chipset ka use kiya hai. Iss phone mein aapko rear mounted finger print scanner ka option bhi dekhne ko milega saath hi ismein bio metric face unlock ka option bhi diya gaya hai. Nokia 4.2 mein dual rear camera setup mention kiya gaya hai jismien bataya gaya hai ki iss phone mein 13MP+2MP ka cameras setup milega. Saath hi front camera 8MP ka milega. Yeh phone 3000mAh ki battery ke saath aayega.

 

Nokia 3.2 Specifications

 

Website par mention ki gaye specs mein bataya gaya hai ki yeh phone 6.26 inch ki TFT LCD display ke saath aayega jismein dot notch dekhne ko milegi. Iss phone mein company ne Qualcomm Snapdragon 429 processor ka use kiya hai. Nokia 3.2 mein 13MP ka single rear camera diya gaya hai saath hi 5MP ka front facing camera bhi aapko ismein milega. Mention ki gayi details mein bataya gaya hai ki yeh phone 4000mAh ki battery ke saath aayega jismein aapko 2 days ka battery life milegi.

 

Yeh phone 16GB aur 32GB 2 storage variants mein  market mein aa sakta hai. Saath hi phone mein 2GB aur 3GB RAM option aapko mil sakte hain. Yeh phone 400GB tak ka memory card ko support kar sakta hai. Yeh phone company Black aur Steel color mein launch karegi.

 

Nokia 3.2 ki staring price $139 ( ~Rs 9, 800)  aur Nokia 4.2 ki staring price $169 (~Rs 12,000 ) batayi gayi hai jo ki MWC 2019 event ke duaraan announce ki gayi thi. Ab yeh devices same price tag ke saath India mein launch hoti hai ya nahi, iske liye humein intejaar karna padega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: