Nokia 3.1 Plus Ke Saath ‘Banana’ Feature Phone Nokia 8110 Bhi India Mein Launch Hua

HMD Global ne aaj India event mein Nokia 3.1 Plus aur saath hi ek feature phone, jise company ka ‘banana’ phone bhi kaha jaata hai, Nokia 8110 ko launch kiya hai. Nokia 3.1 Plus bhi ek Android One smartphone hi hai. Ye smartphone India mein October 19 se sale ke liye available hoga, jabki feature phone Nokia 8110 ko aap 24th October se kharid sakte hain.

Nokia 3.1 Plus

Nokia 3.1 Plus mein aapko 6 inch ki HD+ display, 18:9 aspect ratio ke saath di gayi hai aur phone ko power dene ke liye Octa Core MediaTek Helio P22 chipset hai. Ismein aapko two storage options milte hain – 2GB+16GB aur 3GB+32GB.

Iske alawa consumers ko attract karne ke liye ismein 13 + 5 MP ke dual rear sesnors bhi hain, jo f/2.0 aperture, PDAF aur dual tone LED flash ke saath diye gaye hain. Yahaan par ye 5 MP secondary shooter aapko depth focusing ke liye milta hai, jo aapke portrait mode shots ko aur improve karta hai. Ismein aapko f/2.2 aperture ke saath 8 MP ka front camera bhi milta hai.

Nokia 3.1 Plus mein 3,500 mAh ki battery di gayi hai aur ye Android 8.1 Oreo OS par chalta hai, jismein jaldi hi Android 9.0 Pie update bhi milega.

Nokia 8110

Nokia ka ye feature phone, Barcelona mein huye MWC 2018 mein introduce kiya jaa chuka hai. Is feature phone mein aapko 4G LTE support milta hai aur iske keyboard ke upar ek attractive cover bhi hai, ho neeche ki taraf slide karne se open hota hai.

Nokia 8110 vibrant yellow color mein launch hua hai. Ismein 2.45 inch ki QVGA display hai, aur ye 1.1 GHz dual core Qualcomm Snapdragon 205 processor par chalta hai. Nokia 8110 KaiOS par chalta hai aur ismein 512MB ki RAM aur 4GB ki internal storage di gayi hai. Halaanki storage ko aap microSD card slot ke dwara 128GB tak badha sakte hain.

Iske alawa feature phone hone ke baawajood, ismein Facebook, WhatsApp aur YouTube apps use ki jaa sakti hain. Saath hi ye phone Google Maps, Google Assistant jaisi apps ko bhi support karta hai. Iske alawa aap ismein Nokia mein aane waala popular game – Snake, bhi enjoy kar sakte hain.

Pricing Details

Nokia 3.1 Plus ke 2GB+16GB model ki kimat 11,499 INR hai aur 3GB+32GB version ka price abhi announce nahin kiya gaya.

Wahin Nokia 8110 feature phone ki kimat 5,999 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: