Nokia 1 Plus Aur Feature Phone Nokia 210 Ko MWC 2019 Mein Kiya Launch: Prices 8,000 INR Se Bhi Kam

HMD Global ne MWC 2019 mein iss baar total 5 phones announce kiye hain, jinmein ek feature phone Nokia 210 aur ek Android Go Edition smartphone Nokia 1 Plus shaamil hain. Nokia 210 bahut hi attractive look ke saath saamne aaya hai. Saath hi iss phone mein internet bhi access kar sakte hain. Aaiye inn dono phones ka overview aapko batate hain.

Nokia 210 Specifications

Jaisa ki humne aapko bataya ki Nokia 210 ek feature phone hai jismein aapko 2.4 inch ki QVGA display dekhne ko milti hai. Yeh phone dual sim support ke saath aata hai. Lekin iss phone mein aap 2G network ko hi access kar sakenge. Nokia 210 mein facebook app ka lite version pre-installed milta hai. Iss phone mein 16MB ki internal memory di gayi hai. Phone ke rear panel par aapko VGA rear camera LED flash ke saath milta hai.

 

Phone mein FM radio aur MP3 player bhi diya gaya hai. Iske alawa apps ko app store se download kiya jaa sakta hai. Ismein 1020mAh ki BL-5C battery di gayi hai. Charging ke liye aapko iss phone mein micro USB port diya gaya hai. Yeh phone Grey, Red aur Charcoal colour mein available hai.

Nokia 1 Plus Specifications

Yeh phone last year launch huye Nokia 1 ka successor phone hai. Ismein 5.3 inch ki FWVGA+ display di gayi hai. Yahaan Quad-core MediaTek MT6739W chipset milta hai aur saath hi 1GB ki RAM aur 8GB ki internal storage aapko milne waali hai. Expansion slot bhi moujood hai, jo 128GB tak ka microSD card accept karta hai.

Nokia 1 Plus Android 9.0 (Pie) Go Edition ke saath announce kiya hai. Nokia 1 Plus mein 8MP ka rear camera aur 5MP ka front camera diya gaya hai. Yeh phone 2500mAh ki battery ke saath aata hai. Nokia 1 Plus mein single aur dual sim ka option aapko milega. Company ne iss phone ko Red, Blue aur Black colour mein launch kiya hai.

Nokia 210 ko company ne US$35 ( Rs 2,400 approx.) ki price tag ke saath announce kiya hai. Wahin Nokia 1 Plus ke liye aapko US$ 99 (Rs 7,000 approx.) denge honge. Yeh phone March 2019 se sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: