Noida Mein Xiaomi ki Phone-Making Unit Par Employees Ne Barsaaye Patthar (Stones): Ye Hai Uska Kaaran

Noida mein Xiaomi aur Oppo ke smartphones banaane waali manufacturing unit, Hipad Technology, jo ki Sector-63 mein hai, ne 1200 employees ko bina notice diye company se bahaar ka raasta dikha diya. Is baat se gussaye in employees ne company ke bahaar violence kiya aur company par patthar bhi phenke.

Is baat par company ne tab tak koi response nahin diya, jab tak ki report file nahin hui.

Is violence aur pattharbaazi ki khabar milte hi, area ki Police aur Noida ki Superintendent of Police, Sudha Singh, mauke par pahunch gayi.

Sudha Singh ke according, “takreeban subah 10 baje ye violence wahaan shuru hua aur iski khabar lagte hi, police immediately spot par pahunchi. Halaanki company ne is baat par dopahar 2 baje tak koi action nahin liya. Lekin phir bhi 3-4 logon ko is punishable act ke kaarab police ne pooch-taach karne ke liye pakda hai.

Saath hi patthar phenkne waale employees ka kehna hai ki company ne inhein bina kisi notice ke kaam se nikaal diya, jiske kaaran unhone aisa kiya. Jabki company k eek source ke according, company ne in workers ke contractor ko inform kiya tha aur usne inhein nahin bataaya. Jiske baad ye sabhi worker Monday ko company pahunchne aur inhein biometric machine par punch nahin karne diya gaya aur company se bahaar nikaal diya.

Company ke according raw material ki shortage ke chalte, company ne inke contractor ko bataaya tha ki ab unhein is staff ki zaroorat nahin hai. Aur us contractor ke workers ko naa inform karne ki wajah se ye saari problem create hui. Saath hi company ne ye bhi maana hai ki unhone directly in workers ko nahin bataaya, lekin inke vendor ko inform kiya gaya tha.

Labour Department officials bhi Hipad Technology pahunche aur unhone bataaya ki ye sara maamla, miscommunication ka hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: