Nirbhaya Case Par Based Netflix Original Series Delhi Crime Mein Jaaniye Uss Ghatna Ki Poori Sachhai

16 December 2012 ko huye ek non-tolerated act ko recreate karti huyi ek series Delhi Crime ko Netflix par release kiya gaya hai. 16 December 2012 ki raat ko huyi ghatna ko pehle bhi kayi directors ne portray kiya hai lekin iss series ko dekhte waqt aap khud ko uss ghatna ka witness samjhte hain. Iss poori ghatna ko police ne Nirbhaya Case naam diya tha. Delhi Crime Netflix Original series hai jise total 7 episodes mein divide kiya gaya hai.

 

Series ke lead role mein aapko Shefali Shah, Rasika Dugal, Adil Hussain and Rajesh Tailang dikhte hain. Iss series ko Richie Mehta ne direct kiya hai. Series mein Nirbhaya case ki poori study ko kaafi detail mein dikhaya gaya hai. 16 December 2012 ki raat huyi tragedy mein male ke saath maar peet  aur female ke gang rape jaisa crime kiya gaya tha. Iss gang rape mein na sirf lady ko physically abuse kiya gaya tha balki brutally uski intestines ko bhi nikal phenka tha. Jiski wajah se lady ka survive kar paana muskil ho gaya tha.

Series ki shuruaat mein normal scene dikhaye jaate hain jahaan DCP Vartika Chuturbedi apni family mein birthday celebrate karti huyi dikhayi deti hai. Jis dauraan unhe ek call aata hai jo ki police station se hota hai jahaan kisi criminal ko pakad lene ki good news sub-inspector unhe deta hai. Iske baad night shift mein kaam karne wale police constable ko ek call aati hai jiske baad wah crime scene par jaata hai. Wahan use ek  ladka aur ek ladki critical situation mein dikhai dete hain. Constable dono ko hospital le kar aata hai. Iske baad DCP ko mid night mein ek call aati hai jiske baad wah apne ghar se hospital ke liye nikalti hai.

 

DCP Vartika Chaturbedi wahaan aa kar lady doctor se conversation karti hain jahaan doctor unhe batati hai ki ladki ko physically harass kiya gaya hai. Situation ko critical jaante huye DCP treatment ko aage bhadane ki baat doctor se kahti hain. Iske baad ladke inquiry ki jaati hai jahaan ladka batata hai ki wah dono movie dekh kar wapaas aa rahe the. Jiske baad unhone ghar jaane ke liye private bus li. Bus mein driver ko include karte huye  6 log pehle se moujood the. Moujood logon ne unke saath jabardasti ki aur unka saaman bhi unse cheen liya. Ladke ko maara peeta gaya uske baad ladki ko bus ki last seat par le gaye. Iske baad wah ladka unconscious (Behosh) ho jaata hai.

Yeh sab sunne ke baad DCP iss case ko investigate karne ke liye ek team create karti hain. Sabhi team member experienced hai lekin sirf ek lady IPS jo ki trainee hai, new join huyi hai. Inn sabhi ke saath mil kar DCP iss case ko investigate karti hai. Iss dauraan male victim ke dwara bataye gaye 6 logon mein se female victim 2 suspect ke naam batati hai. Saath hi bus ke interior aur outer ka design, color aur kuch sign batati hai jis se bus ko identify kiya jaa sake. Sabhi 6 logon mein se 2 log relative hote hain. Iske alawa 4 suspects alag alag jagah se belong karte hain. Female victim ke dwara bataye gaye 2 naam mein se ek naam bus ke driver ka hota hai jis se use pakad paana aashan ho jaata hai.

 

Sabhi ki pehchaan ki jaati hai lekin sabhi criminals ko pakadna police ke liye kaafi tough task saabit hota hai. Media mein bani khabaron ke chalte police par aur bhi pressure aa jaata hai. Apni team ki help se DCP sabhi criminals ko pakad leti hain. Lekin police custody ke duaraan ek criminal suicide attempt karta hai jo ki police ki pareshaniyon ko aur bhada deta hai. Media fir police ko iss case ke chalte gher leti hai. Finally 6th suspect ko pakadne ka time aata hai lekin uske pakade jaane par police ko feel hota hai ki wah suspect minor hai. Sabhi suspect ke pakade jaane ke baad DCP Vartika Chaturbedi District Magistrate ko lady victim ke vayaan ke liye bulati hain. Jiske baad yeh case final decision ke liye rah jaata hai.

 

Delhi crime series ko dekhne ke baad aapko yeh realize ho jaata hai ki criminals ko pakadne ke liye police kitne effort lagati hai. Series yeh bhi dikhati hai ki agar police kisi bhi kaam ko khatam karne ke baare mein ek baar soch le to sahi team management aur dedication ke saath wah apne goal ko complete karne mein jyada samay nahi leti hai. Iss series ko aap family ke saath enjoy kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: