Next Year Xiaomi Launch Kar Sakta Hai 48MP Camera Wala SmartPhone, Official Image Aayi Saamne

Xiaomi ke President Lin Bin ne haal hi mein Weibo par ek image post ki hai. Jo ki ek camera ki hai. Khaas baat yeh hai ki yeh camera 48MP ka dikhai de raha hai. Ji ha ! Xiaomi ki taraf se saamne aa rahi iss image mein dual LED tone flash ke saath ek camera pop out hota dikhai de raha hai. Maana jaa raha hai ki yeh image Xiaomi ki taraf se aane wale kisi new flagship phone ke camera ki ho sakti hai.

Image mein yeh clear dikhai nahi de raha hai ki phone mein kitne sensors hai. Maana jaa raha hai ki iss device mein use kiya lens Sony IMX586 ho sakta hai jo ki world ka first 48MP sensor hai jo ultra compact size 0.8 micro meter mein aata hai. Xiaomi agar iss camera ke saath koi smartphone launch karta hai to definitely wah ek flagship phone hone wala hai.

Wahin agar processor support ki baat ki jaaye to Qualcomm Snapdragon 675 hi wah processor hai jo 48MP camera ko support kar sakta hai. Jaha Hong-kong mein hone wale 4G/5G summit mein company yeh announce karegi ki wah market mein Snapdragon 675 ke saath apna new smartphone kab launch karegi. Snapdragon 675, 11nm mobile platform par taiyar kiya gaya ek processor hai.

Xiaomi ke iss aane wale phone ke alawa kisi aur phone ki baat ki jaaye jismein aapko aisa camera dekhne ko mila ho to wah tha Nokia 808 Pureview aur haal hi mein launch hua Huawei Mate 20 Pro. Jaha aapko 41MP aur 40 MP ke camera smartphones mein dekhne ko mile hain. Inn sabhi details ke alawa ummid ki jaa rahi hai ki yeh 48MP ke saath aane wala phone January 2019 mein launch kiya jaa sakta hai. Well, ab yeh dekhna interesting rahega ki kya yeh phone iss camera ke alawa aur bhi different technology apne saath le kar aaega ?

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: