Qualcomm Ke Snapdragon 8150 Chipset ne Apple Ke A12 Bionic chipset Ko Performance Ranking Mein Peeche Chodha, Next Year In Smartphones Ke Saath Hoga Market Mein Enter

Kisi bhi phone ki performance ko strong banane mein uska processor ek major role play karta hai. Recently launch phones mein aap abhi tak ke kuch high end processor dekhe rahe honge jinmein Snapdragon 845, Hisilicon Kirin 980, A12X Bionic Chipset ke naam include hain. Haal hi mein geek bench par dekhe gaye processor Qualcomm Snapdragon 855  ki performance ko le kar kaafi charcha ho rahi hai. Maana jaa raha hai ki yeh processor abhi tak ke sabhi processor ke mukaabale best performance provide karega. Iss processor ka dusra naam Snapdragon 8150 SoC bhi bataya jaa raha hai.

Yeh processor Geekbench test ki performance mein top stage par hai. Definitely yeh processor aane wale samay mein best high end flagship phones mein hi use hone wala hai. Yeh processor Octa-Core design kiya gaya hai jaha ismein 4 powerful core 2.6Ghz ke use kiye gaye hain wahi other 4 core 1.7Ghz power clock speed ke use kiye gaye hain. Rumors ke according yeh processor 7nm platform par design kiya gaya hai. Geekbench test criteria mein iss chipset par object recognization, Classification, facial recognization, photo enhancement jaise 9 alag alag test kiye gaye hain. jaha iss chipset ne abhi tak ki best performance deliver ki hai.

Score ki baat karein Snapdragon 855/8150 SoC ka Geekbench score 22,082 points hai jo ki Media Tek ke Helio P80 ke compare mein 2,629 points jyada hai. Wahi agar ise Snapdragon 845 se compare karein to yeh just double bench mark score karta hai. Itna hi nahi yeh processor Apple ke A12x Bionic chipset ke scores ko bhi beat karta hua nazar aaya hai. High end scores carry karne wala yeh processor aur bhi behtar tarike se AI technology based action ko improved aur behatreen tarike se deliver kar sakega.

Is chipset ka AnTuTu score bhi 362,292 points hai aur ye Android platform par 3,60,000 se upar score karne wala first chipset hai. Is chipset ko agar Huawei ke latest chipset Kirin 980 se compare karein, to ye 16% better performance dega aur apne predecessor yaani ki Snapdragon 845 se 20% behtar hoga.

Haanlki iss processor ki revealing ke liye abhi koi date declare nahi ki gayi hai. Lekin ummid ki jaa rahi hai ki isse December last tak reveal kar diya jaaega.

Smartphones ki baat karein to, haal hi mein launch hua, world’s first foldable smartphone Flexpai, hi aisa phone hain, jismein ab tak Snapdragon 8150 chipset aaya hai.

Is chipset ka launch December 4 ko ho sakta hai aur maana jaa raha hai ki Samsung ke upcoming flagships, Samsung Galaxy S10 aur Galaxy F, Snapdragon 8150 ke saath hi launch kiye jayenge. Iske alawa Xiaomi ke Mi 9 mein bhi is chipset ke hone ki baat saamne aa rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: