Next Week India Mein Launch Honge Ye Sabhi Smartphones, Koi Hoga Budget Mein Fit, To Koi Dream Mein

Aane waala week, tech industry ka kaafi important week hone waala hai. Is week mein India mein kayi most important smartphones, launch kiye jayenge. In upcoming smartphones ki list mein jahaan ek taraf Realme 2 Pro jaise affordable smartphones hain, wahin doosri taraf iPhone XS aur XS Max jaise handsets bhi shaamil hain. Aaiye dekhte hain, upcoming smartphones ki poori list.

Samsung Galaxy J6+ aur J4+

Samsung ne haal hi mein in smartphones ke teasers release kiye hain, jinka main aur khaas feature hai, side mounted fingerprint sensor. Aur aaj official website par inki listing ke baad, company ne inhein announce bhi kar diya hai. Halaanki smartphones ke specs saamne aa chuke hain, lekin inki pricing aur availability details se abhi parda uthna baaki hai, jo ki coming week tak ho hi jayega.

Samsung Galaxy J6+ aur J4+ mein 6 inch ki HD+ Infinity displays hain. Ye dono smartphones quad core Snapdragon 425 processor ke saath aayenge. Galaxy J4+ mein 2GB+16GB aur 3GB+32GB storage options launch kiye jayenge. Wahin Galaxy J6+ ko aap 3GB+32GB aur 4GB+64GB versions mein purchase kar sakenge.

Dono smartphones mein 3300mAh ki battery di gayi hai, lekin koi fast charging support nahin hai. Iske alawa Galaxy J6+ mein 13+5 MP ka dual rear camera setup hai aur front par 8 MP ka selfie shooter moujood hai. Doosri taraf, Galaxy J4+ mein 13 MP ka rear camera aur 5 MP ka front camera diya gaya hai.

Lekin side-mounted fingerprint sensor aapko kewal Galaxy J6+ mein hi milega.

Realme 2 Pro

Realme 2 Pro, Realme 2 ka successor hai, jo pichle month mein hi launch kiya gaya tha. Logon ki shikaayaton ke chalte, company ne same day, Realme 2 Pro ki announcement ki aur ab next week 27th September ko ye smartphone, launch hone jaa raha hai. Realme 2 Pro mein Octa Core Qualcomm Snapdragon 660 processor milne waala hai.

Realme 2 Pro mein notch design ke saath full HD+ display mil sakti hai, dual rear cameras honge. Android 8.1 Oreo OS ke saath aane waale is smartphone mein 6GB tak ke RAM options milenge.

iPhone XS, XS Max

2018 iPhone series bhi September 28 ko India mein launch hogi. iPhone XS aur XS Max mein 5.8-inch aur 6.5 inch ki OLED Retina HDR displays hain. In dono mein hi aapko six core A12 Bionic chipset milta hai aur saath hi Neural Engine GPU bhi diya gaya hai. 12 MP ka wide angle primary rear camera aur saath hi 12 MP ka telephoto lens moujood hai. Inmein aapko 64GB / 256GB / 512GB storage options milenge.

iPhone XR

iPhone ka ye 76,900 INR se start hone wala, company ke according ‘affordable’ phone hai aur ye bhi September 28 ko hi India mein launch kiya jayega. Ismein 6.1 inch ki LCD display hai aur kewal ek 12 MP rear cameras hai. Other specs ismein iPhone XS aur XS Max ke similar hi hain.

Motorola One Power

Motorola One Power, company ka Android One smartphone hai, jise Spain mein kuch weeks pehle huye IFA 2018 ke dauraan showcase kiya gaya tha. India mein ye handset 24th September ko entry lega. India mein iski kimat bhi lagbhag 14,000 INR hogi. Ismein 6.2 inch ki full HD+ display hogi, Octa Core Qualcomm Snapdragon 636 chipset di jayegi aur 4GB ki RAM hogi.

Saath hi Motorola One Power mein 16 + 5 MP ke dual rear sensors honge aur 12 MP ka front camera diya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: