Next Week India Mein Launch Hoga Samsung Galaxy A70; Galaxy A80 Ka India Launch & Expected Price Bhi Reveal Hua

Samsung ne Galaxy A-series ke affordable smartphones ke saath, is saal mein Xiaomi aur Realme ko achhi takkar di hai. Saath hi Samsung ek well known and kaafi puraani brand hai, isiliye log iske affordable handsets ko pasand bhi kar rahe hain. Well, Galaxy A-series ke A10, A30 aur A50 ke baad, company next week apna naya handset India mein launch karne jaa rahi hai, jo ki Galaxy A70 hai.

Galaxy A70 mein aapko Snapdragon 675 chipset milne waala hai, aur saath hi triple rear cameras aur in-display fingerprint scanner bhi hoga. Itna hi nahin haal hi mein slider rotatating cameras ke saath launch huye Galaxy A80 ko bhi company India mein next month yaani ki May mein launch karne waali hai. Galaxy A80 haal hi mein launch huye Snapdragon 730G chipset ke saath aane waala world ka first smartphone hai. Ye khabar Samsung India ke Senior VP aur CMO, Ranjivjit Singh ne confirm ki hai.

Last week Galaxy A70 ko Samsung India ki website par dekha gaya, jiske according company iska 6GB+128GB variant India mein launch karegi aur iska jo price reveal kiya gaya hai, wo 25,000 INR se 30,000 INR ke beech bataaya jaa raha hai, jabki haal hi mein Russia mein ise 29,990 Rubles (approx. 32,000 INR) mein launch kiya gaya hai.

Iske alawa Samsung India ke top official ne Galaxy A80 ke price ko lekar bataaya hai ki, ise 45,000 INR se 50,000 INR ke beech market mein utaara jayega.

Galaxy A70 aur A80 ke specs aa neeche dekh sakte hain.

Galaxy A70

  • 7 inch full HD+ Infinity-U Super AMOLED display
  • Octa Core Qualcomm Snapdragon 675 processor
  • Android 9.0 Pie OS with One UI
  • 32MP + 8MP + 5MP triple rear cameras
  • 32MP front camera
  • 6GB RAM
  • 128GB internal memory
  • Triple card slots
  • 4500mAh battery with 25W super fast charging support

Galaxy A80

  • 7 inch full HD+ new Infinity Super AMOLED display
  • Octa Core Qualcomm Snapdragon 730G processor
  • Android 9.0 Pie OS with One UI
  • 48MP + 8MP + 3D depth camera (rotating camera, jise aap front aur rear dono taraf se use kar sakenge)
  • 8GB RAM
  • 128GB internal memory
  • Dual SIM slots
  • 3700mAh battery with 25W fast charging support

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: