Next Week India Mein Launch Hoga Mi Band 4, Saath Hi Launch Ho Sakta Redmi TV

Xiaomi ne kuch months pehle hi China mein Mi Band 4 ko launch kiya tha. China launch ke saath hi Indian customers ko iss band ka intejaar tha. Well, company ne iss band ki India launch date announce kar di hai. Yeh Mi Band 4 India mein 17th September ko ek event ke duaraan launch kiya jaayega.

Yeh Mi band 4, 0.95 inch ((120 x 240 pixels)  ki AMOLED 24bit color touch screen display ke saath aata hai. Ismein aapko 400 nits tak ki brightness milti hai. Saath hi band ki display par 2.5D scratch resistant glass ko use kiya gaya hai.  Yeh band 6 axis high precision sensor aur 6 sports mode ke saath aata hai. Yeh band 5ATM water resistant hai, jiski wajah se aap ise swimming ke time par bhi use kar sakte hain. Itna hi nahi yeh band real time swimming data ko bhi track kar sakta hai.

Mi Band 4, heart rate sensor aur sedentary reminder ke saath aata hai. Connectivity ke liye aapko ismein Bluetooth 5.0 LE ka support mil jaata hai. Band mein 135mAh Li Ion polymer battery di gayi hai jo ki aapko 20 days ka battery back provide karti hai. Band ki display par aap apps notifications, calls, heart rate, activities, time aur weather notification ko dekh sakte hain.

Mi Band 4 ke alawa company iss event mein, India mein apni abhi tak ki sabse badi TV ko bhi launch karegi. India mein abhi tak Mi TV mein aapko sirf 50 inch TV milta tha. Ummid ki jaa rahi hai ki company 70 inch 4K Redmi TV ko India mein launch kar sakti hai, jise haal hi mein China mein launch kiya gaya hai. Well, inn donon hi product ki confirm price aur availability ki details next week pata chal jaayegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: