Next Week India Mein Launch Ho Sakta Hai Honor 8C, Jaaniye Kya Hongi Iski Specification

Last month China mein launch ho chuke Honor 8C ke liye expect kiya jaa raha hai yeh phone India mein next week launch ho sakta hai. India mein yeh phone Honor Play 8C ke naam se aa sakta hai. Company ne iss phone ko budget phone ke saath hi bhadiya hardware ke saath pack kiya hai. Jis se ummid ki jaa rahi hai ki yeh phone Indian market mein bhi apni jagah jaldi hi bana lega.

Honor 8C ke specification ki baat ki jaaye to yeh phone China mein 2 variants mein launch kiya gaya tha jaha aapko 4GB RAM aur 32GB ROM variant milega iske alawa 4GB RAM aur 64GB ROM variant ka option bhi milega. Expect kiya jaa raha hai ki India mein yeh phone 6GB aur 64GB storage variant ke saath bhi launch kiya jaa sakta hai.

Iske alawa phone ke OS ki baat ki jaaye to Honor 8C mein EMUI 8.2 based Android 8.1 Oreo milega. Phone mein aapko 6.2 inch ki HD+ display dekhne ko milegi. Phone mein Qualcomm Snapdragon Octa-Core 632 processor diya gaya hai jo Adreno ki 506 GPU ke saath aata hai. Phone ki display mein aapko wide notch dekhne ko milti hai. Saath hi yeh phone bahot hi kam bezels ke saath aata hai jis se ki phone ka screen to body ratio 86.6% milta hai.

Phone ke camera ki baat karein to Honor 8C mein dual rear camera diya gaya hai jaha 13Mp ka primary camera aur 2MP ka secondary camera milta hai. Wahi front facing camera ki baat karein to phone mein 8MP ka selfie camera milta hai. Phone ko kaafi attractive gradient colors mein launch kiya gaya hai jaha aapko phone mein 3 color option milte hai, Magic Night Black, Aurora Blue, Platinum Gold. Saath hi expect  kiya jaa raha hai India mein yeh ek aur color option Nebula Purple ke saath bhi aa sakta hai.

Bhadiya specification ke saath hi phone mein aapko achi capability ki battery milti hai jo ki 4000mAh ki di gayi hai. Company ki taraf se abhi selling platform ko le kar koi confirmation nahi diya gaya hai, ki India mein yeh phone kis e-commerce website par sale ke liye available hoga.

Price ki baat karein to China mein iss phone ke 4GB/32Gb variant ki price CNY 1,099 rakhi gayi thi aur 4GB/64GB variant ki price CNY 1,399 rakhi gayi thi. Ab yeh dekhna interesting hoga ki kya yeh phone India mein ek aur variant ke saath launch hoga. Aur kis price par inn sabhi variants ko launch kiya jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: