Next Month Launch Hoga Xiaomi Ka 108MP Camera Wala Smartphone Mi CC9 Pro

Chinese smartphone maker company Xiaomi jaldi hi apne five rear camera wale smartphone ko launch karne wali hai. Yeh phone Xiaomi Mi CC9 Pro hai. Phone ke teaser image ko company ke Weibo account par share kiya gaya hai, jismein phone ke rear panel par penta camera setup ko clearly dekha jaa sakta hai. Company iss phone ko 5th November ko launch karne wali hai.

Phone apne camera specs ko le kar highlight mein bana hua hai. Bataya jaa raha hai ki iss phone mein humein 108MP camera sensor dekhne ko milega, jise Samsung ne design kiya hai. Phone ke alawa company Mi TV 5 aur Xiaomi Smartwatch ko bhi launch karegi.

Last rumors ki according yeh phone Qualcomm Snapdragon 730G powered ho sakta hai. Iske alawa 108MP primary camera ke alawa iss phone mein 13MP wide angle lens aur 8MP ka telephoto lens diya jaa sakta hai. Saath hi phone mein ek camera TOF sensor ke saath aur fifth camera macro lens ke saath diya jaa sakta hai. Phone ke rear panel par 5X Optical Zoom likha hua hai, iss se yeh expect kiya jaa sakta hai ki phone ka camera 5X optical zoom support ke saath launch kiya jaayega

Iss phone mein company 6.4 inch ki full HD+ AMOLED display offer kar sakti hai, jo ki iss se pehle Mi CC9 mein bhi dekhne ko mili thi. Iss se pehle iss phone ko 3C certification website par M1910F4E  model number ke saath spot kiya gaya tha. Certification website ke through saamne aayi jaankari ki maane to iss phone mein 45000mAh ki battery di jaa sakti hai, jiske saath 30W fast charging ka support mil sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: