Next Month Launch Hoga Vivo Z1X, Phone Mein Milega Vivo Flash Charge Ka Support

Last month Vivo Z1 Pro ko launch karne ke baad ab company ne announce kiya hai, ki wah next month apne mid-range smartphone Vivo Z1X ko India mein launch karegi. Iss phone ko 6th September ko India mein launch kiya jaayega, jo ki Flipkart exclusive hoga. Phone ke teaser video ko bhi company ne post kiya hai, iss video ko aap neeche dekh sakte hain.

Company ki taraf se release kiye gaye poster mein iss phone ka look and design clearly dekha jaa sakta hai. Phone ke rear panel par vertical triple rear camera setup dikhai de raha hai. Issi ke saath phone ki screen par in-display finger print scanner bhi visible ho raha hai. Company ne phone se related specs ko reveal karne ke liye kuch aur images ko bhi post kiya hai jismein yeh mention kiya gaya hai ki ,iss phone mein bhadiya capacity ki battery aur Qualcomm Snapdragon processor diya jaayega.

Post mein yeh bhi confirm kiya gaya hai ki phone mein Vivo Flash Charge ka support diya jaayega. Iss se expect kiya jaa raha hai ki yeh 22.5W charger ho sakta hai jo ki humein haal hi mein launch huye Vivo iQOO Neo smartphone mein dekhne ko mila tha. Iske alawa image ke through yeh bhi confirm hai ki phone mein USB type-C port diya jaayega. Haalanki processor ko abhi tak mention nahi kiya gaya hai lekin ummid ki jaa rahi hai ki yahaan humein Snapdragon 712 chipset dekhne ko mil sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: