Next Month Launch Ho Sakte Hain OnePlus Ke LCD Aur OLED Smart TV

Last year jab se OnePlus ne apne TV ko launch karne ka announcement kiya hai, tabhi se kaafi leaks humein dekhne ko milti rahi hai, fir chahe wah TV ke remote control se judi huyi leak ho ya fir TV ka users ke through naam select karne ki news ho. Well, kuch samay pehle saamne aayi leak mein yeh bataya gaya tha ki 2019 ke end tak humein OnePlus ke TV market mein dekhne ko mil sakte hain. Haal hi mein aayi news mein bataya gaya tha ki yeh TV 75 inch aur 43 inch model mein launch kiye jaa sakte hain.

Latest reports ki maane to company, OLED aur LCD panel wale smart TV line up ko launch kar sakti hai, bilkul usi tarah jis tarah se Xiaomi ne apne smart TV line up ko announce kiya tha. Popular tipster Ishan Agarwal ne mysmartprice ke saath collaborate kar bataya ki, inn smart TV ki launch date 25th September se 30th September ke beech rakhi jaa sakti hai, jahaan most probably 26th September hi wah launch date ho sakti hai.

Bluetooth SIG website par list huyi details ki maane to company inn TVs ko America aur China market mein bhi announce kar sakti hai. Saath hi expect kiya jaa raha hai ki Indian market mein humein iss TV ka sirf 43 inch model hi dekhne ko mile. Saath hi company inn TVs ko Amazon.in aur OnePlus ke online stores ke through launch kar sakti hain. Inn TVs mein humein Google Android TV platform dekhne ko mil sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: