Next Month Launch Ho Sakta Hai Samsung ka Foldable Smartphone Galaxy X: Kimatein Hongi Aasmaan Par

Samsung’s Developer Conference ki dates saamne aa chuki hain. Company ne apne Twitter account par is event ki dates bhi bataayi hain, lekin company ne saath hi ye hint bhi diya hai ki, is event mein ek foldable smartphone, Galaxy X bhi launch kiya jaa sakta hai, jo ki first foldable smartphone ho sakta hai.

Samsung ki ye Developer Conference 7th aur 8th Novemeber ko San Francisco mein hogi. Ye pehli baar nahin hai ki Samsung ki taraf se foldable device Galaxy X ke teasers aaye hain. Kuch samay pehle, DJ Koh ne bhi ek interview ke dauraan kaha tha ki company is year ke last mein apna naya innovative foldable smartphone Galaxy X launch kar sakti hai.

Samsung ne jo video post ki hai, usmein ek straight line di gayi hai, jo unfold hote huye right facing arrow banti nazar aati hai. Isi se saaf zaahir hai ki ek foldable device launch ho sakta hai, jo is shape mein fold hoga.

Saath hi is post ke liye jo line likhi gayi hai, “the crossroads between the present and the future” wo bhi foldable smartphone ki taraf hi ishaara karti hai. Halaanki ye khabar achhi hai, ek aur nayi technology dekhne ko milegi, lekin agar aap Galaxy X ko kharidne ki soch rahe hain, to zara sambhal kar.

Darasal, ek report ke according, Samsung Galaxy X ki kimat $1800 ho sakti hai, jo ki takreeban 1,27,000 INR hogi.

Iske alawa Samsung ke alawa Huawei aur LG jaisi companies bhi foldable smartphones par kaam kar rahi hain. Huawei ki taraf se officially announcement bhi ho chuki hai, ki company ka pehla foldable smartphone, jo ki 5G support ke saath aayega, 2019 ke first quarter mein launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: