Next Month India Mein Launch Hoga Mi Note 10, Price Details Hui Leak

Xiaomi ka Mi Note 10 World ka first smartphone hai, jismein 108MP ka camera diya gaya hai aur next month yaani ki January 2020 mein ye smartphone India mein launch hone jaa raha hai. Recently company ne khud ye tweet karke announce kiya tha ki ye handset India mein jaldi hi aayega. Ab kuch reports ye bata rahi hain ki is handset ki entry India mein January 2020 mein hi hogi.

ALSO READ: Mi Note 10 & Mi Note 10 Pro Five Rear Cameras Ke Saath Globally Announce Huye

Aaiye daalte hain Mi Note 10 ke khaas features par ek nazar

Highlights:

  • Mi Note 10 world ka first 108MP camera phone hone ke saath, five rear camer setup ke saath aata hai.
  • Is handset mein front par bhi aapko 32MP ka selfie shooter milta hai.
  • Ismein apko latest chipset Qualcomm Snapdragon 730G milta hai.
  • Iske alawa ismein 8GB RAM ke saath 256GB inbuilt storage di gayi hai.
  • Phone ki battery bhi 5,260mAh ki hai aur 30W fast charging support hai, jo ki sirf 1 hour mein is battery ko 95% charge karta hai.

Pricing Details:

Ab baat karte hain pricing details ki. Darasal, Xiaomi India mein ek global photography competition karwa raha hai, jismein winners ko Mi Note 10 diya jayega jiski kimat 46,832 INR hai. Halaanki ye confirm nahin hai ki company ise isi price ke saath launch karegi ya thoda difference hoga.

Well, agar is handset ki kimat yahi rahi to ye Xiaomi ka India mein sabse costly handset hoga. Ise jaanne ke liye humein lagbhah 1 month ka wait aur karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: