Next Month IFA Event Mein HMD Global Launch Kar Sakti Hai Yeh Phones

HMD Global 5th September ko Berlin mein hone wale IFA 2019 event mein entry karne jaa rahi hai. Iss event ke media invites already send kiye jaa chuke hai. Invites mein kisi bhi tarah ke launch details ko disclose nahi kiya gaya hai. Lekin expect kiya jaa raha hai ki company iss event mein Nokia 6.2 aur Nokia 7.2 smartphone ko launch kar sakti hai. IFA ke iss event mein HMD Global first time apne products ko show karegi. Yeh ek technology based trade show hai, jismein alag alag companies apne product ko announce karti hai.

 

Iss se pehle humare saamne kuch rumors aayi thi, jinmein bataya gaya tha, ki inn dono phones ko August mein announce kiya jaa sakta hai. Lekin iss baat ki koi bhi official jaankari share nahi ki gayi thi. Lekin iss baar See You In Berlin 5 September, 2019 4:00 PM ke saath HMD Global ke Chief Product Officer Juho Sarvikas ne apne twitter handle par ek post kar, iss baat ki jaankari di hai.

Image Credit : /leaks.com

Leaks ki maane to Nokia 6.2 mein humein 6.1 inch ki full HD+ display dekhne ko mil sakti hai. Iske alawa Nokia 7.2 triple rear camera ke saath announce kiya jaa sakta hai, jismein primary camera 48MP ka dekhne ko mil sakta hai.  Itna hi nahi, Nokia 7.2 mein Snapdragon 710 aur Nokia 6.2 mein Snapdragon 660 processor milne ki bhi ummid ki jaa rahi hai.

Rumors ki maane to company Nokia 6.2 aur Nokia 7.2 ke saath Nokia 110 (2019) aur Nokia 2720 (2019) jaise feature phones ko bhi announce kar sakti hai. Inn sab ke alawa iss event mein Nokia 9.1 PureView 5G smartphone ke launch ki rumors bhi humare saamne aa rahi hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: