New Reports Mein Xiaomi Redmi Note 7 Ke India Launch Ki Date Saamne Aayi

Separate sub-brand banne ke baad, Redmi Note 7, Redmi ka first smartphone hai. Saath hi ye company ka first smartphone bhi hai, jo 48 MP camera ke saath launch hua hai aur jaldi hi ye India mein aane waala hai. Redmi Note 7 ke India launch ka hint humein Xiaomi VP Manu Kumar Jain ne Twitter post ke zariye pehle hi de diya hai. Lekin aaj ek nayi report ke according Redmi Note 7 India mein isi month launch hone waala hai.

Redmi Note 7 ke India launch ko lekar ek poster leak hua hai, aur Indian publication ke is leak ke according ye handset India mein February 12, 2019 ko launch ho sakta hai. Is leaked poster mein kahin bhi smartphone ka naam nahin hai. Ek handset nazar aa raha hai, jismein waterdrop notch hai aur beech mein likha hai “Apna Time aayega”. Neeche likha hai, “Redmi Smartphone Launch, 12th February, New Delhi”.

Redmi Note 7 ko last month hi China mein launch kiya gaya hai. Ismein 6.3 inch ki full HD+ display 19.5:9 aspect ratio ke saath di gayi hai. Saath hi ismein Snapdragon 660 chipset hai aur Androis 9.0 Pie OS ke saath MIUI 10 diya gaya hai.

Iske alawa ismein 48+5 MP ka dual rear camera setup hai aur front par 13 MP ka snapper moujood hai. Saath hi 4000mAh ki battery ke saath rear mounted fingerprint sensor bhi hai. Ismein three storage options launch ho chuke hain aur rumors ye hain ki iska 6GB+128GB variant bhi China mein jaldi hi announce hoga, lekin India mein kaun se versions aate hain, abhi ye kehna mushkil hai.

 

Source

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: