NBTC Website Par Certified Huye Redmi 8 Aur Redmi 8A; Kuch Specs Bhi Leak Huye

Redmi ab ek independent brand hai, jo bahut hi tezi se aage badh rahi hai. Redmi K20 & K20 Pro jaise flagship phones ke baad, company ne haal hi mein China mein Redmi Note 8 Pro & Note 8 ko announce kiya hai. Aur ab company ke do naye phones Thailand ki NBTC certification site se certified huye hain, jinke naam Redmi 8 & 8A hai.

ALSO READ: Next Week India Mein Launch Hoga Mi Band 4, Saath Hi Launch Ho Sakta Redmi TV

Company already Redmi 7A aur 7 ke successor par kaam shuru kar chuki hai aur inke jaldi launch hone ki ummid bhi hai. Is website par Redmi 8 model number M1908C31G aur Redmi 8A model number M1908C3KG ke saath nazar aaye hain.

Iske alawa Redmi 8A ko TENAA certification site par bhi spot kiya gaya hai, jiske according is handset mein 6.2 inch ki display HD resolution ke saath mil sakti hai. Waterdrop notch ke saath aane waale is phone mein 4GB RAM aur 64GB internal storage ke saath 2.0 GHz octa core processor hoga.

Redmi 8A mein 12MP ka primary rear camera ho sakta hai, lekin secondary camera ke specs abhi unknown hain. Ye entry-level smartphone dual rear cameras ke saath aayega aur front apr aapko 8 MP ka selfie shooter mil sakta hai.

ALSO READ: Manu Kumar Jain Ne Confirm Kiya, Eight Weeks Mein India Mein Launch Hogi Redmi Note 8 Series

Is dual SIM based handset ki battery capacity iski highlight ban sakti hai, jo ki 5000mAh ki expect ki jaa rahi hai. Iske alawa ye MIUI 10 based Android 9.0 Pie OS par chalega.

Well, official launch date aani baaki hai, lekin in dono hi phones ka launch kaafi jaldi expect kiya jaa raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: