Nayi Technology Aur Features Ke Saath Launch Huye Huawei Mate 20, Mate 20 Pro, Mate 20 X Aur Mate 20 RS

Kal India mein Honor 8X launch karne ke baad, Huawei ne Mate 20, Mate 20 Pro, Mate 20 X aur Porsche Design Mate 20 RS ko London mein launch kiya hai.

Ab aap soch rahe honge ki ye news kyun. Darasal, bhale hi ye smartphones jaldi mein India nahin aane waale, lekin yahaan zaroori baat ye hai ki, in four handsets ke saath company ne kuch naye features aur technologies ko market mein utaara hai, jo ek naya benchmark set karte hain. In new features ko detail mein aapko samjhaane ke liye hi ye article yahaan moujood hai.

Agar ek nazar Mate 20, Mate 20 Pro, Mate 20 X aur Mate 20 RS ke specs par daalein, to ye chaaron smartphones naye chipset Kirin 980 ke saath aayenge. Saath hi in sabhi mein OLED display di gayi hai.

Iske alawa aapko in sabhi mein Triple rear cameras milne waale hain.

Mate 20

Mate mein 6.54 inch ki FHD+ display, waterdrop notch hai, 6GB / 4GB RAM options ke saath 128GB storage di gayi hai. Is handset mein 12+16+8 MP ke triple rear cameras hain aur 24 MP ka front camera hai. Iske alawa rear mounted fingerprint scanner ke saath ismein 4000mAh ki battery bhi moujood hai.

Mate 20 Pro

Mate 20 Pro mein 6.39 inch ki QHD+ OLED HDR display hai. Ismein bhi two storage options hain – 8GB+256GB aur 6GB+128GB. Halaanki iske rear cameras aapko big MP numbers ke saath milte hain. Yahaan 40+20+8 MP ke triple rear sesnors hain, 24 MP ka frontal camera hai.

Halaanki ismein aapko in-display fingerprint sensor bhi milta hai aur 4200mAh ki battery di gayi hai.

Mate 20 X

Mate 20 X mein display size 7.2 inch hai, jo ki full HD+ resolution ke saath aata hai. Ismein 6GB+128GB ki storage hai aur 40+20+8 MP ke rear cameras hain. Ismein bhi rear mounted fingerprint reader hai aur 5000mAh ki massive battery hai.

Mate 20 RS

Mate 20 RS, ek behad premium edition hai, jismein QHD+ OLED HDR display, in-display fingerprint sensor, 3D facial recognition aur rear panel par leather aur glass ke saath racing stripe design hai. Ismein 6.39 inch ki display, 8GB+256GB aur 8GB+512GB storage options hain. Ismein bhi 4200mAh ki hi battery hai.

Aaiye ab baat karte hain ki in smartphones mein company ne kya nayi technology di hai.

Triple Rear Leica lenses

Sabhi phones mein ye cameras square shape ke andar diye gaye hain, jismein flash light bhi included hai. 8 MP ka third rear camera, 3x optical zoom, f/2.4 aperture aur telephoto lens ke saath aayega. Wahin 20 MP ka secondary camera ultra-wide sensor hai, jo ki f/2.2 aperture saath fit kiya gaya hai, jabki main rear camera, jo ki 40 MP ka hai, wide angle lens hai, f/1.8 aperture ke saath moujood hai.

Yahaan company ne ismein apna ek feature bhi include kiya hai, jise Huawei AI Image Stabilization kaha gaya hai.

World’ first 7nm AI chipset – Kirin 980 processor

Huawei ka ye latest chipset, company ka ab tak ka sabse powerful chipset hai, aur isi series ke saath ye market mein launch hua hai. Ye world ka pehla 7nm mobile AI chipset bhi hai, jismein mein four cores Cortex –A76 par chalt hain aur baaki ke four Cortex-A55 cores hain.

Saath hi company ne confirm kiya hai ki ye processor, pichle ke mukaable 75% better performance dega.

Iske alawa Mate 20 series mein dual NPU diya gaya hai, jo ki camera ki real-time image processing ko kaafi improve karke aapko behad natural aur enhanced picture quality deta hai.

Fast and Reverse charging

Huawei ki ye series mein 4,000mAh, 4,200mAh aur 5,000mAh ki batteries hain. Lekin yahaan par company ne pehli baar Huawei ki Supercharge technology ko bhi introduce kiya hai, jo ki in phones ke saath hi market mein aayi hai.

Company ke according, ye technology smartphone ko 0 se 70 percent tak kewal 30 minutes mein hi charge kar deti hai. Iske alawa is series ke handsets mein wireless charging support bhi hai, lekin iski khaasiyat ye hai ki ye iPhone X se bhi doguni tezi se ye smartphone charge karta hai.

Iske alawa new aur interesting feature ye bhi hai, ki ismein reverse charging facility hai. Iska matlab ye hai Mate 20 series ke phones, power banks ki tarah bhi kaam kar sakte hain aur aapke other devices ki battery bhi charge kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: