Naye M Series Smartphones Ki Leaks Aayi Saamne, Samsung Galaxy M21, M31 Aur M41 Ho Sakte Hain Yeh Phones

2019 ke starting mein Samsung ne apne budget smartphone A series aur M series ko introduce kiya tha. M series mein Samsung Galaxy M10, M20, Galaxy M30 aur Galaxy M40 smartphones ko launch kiya gaya tha jo ki best selling smartphones ki list mein include ho chuke hain. Haal hi mein saamne aayi leaks mein inn phones ke successor models ki details saamne aayi hain. Yeh phone Samsung Galaxy M21, M31 aur M41 bataye jaa rahe hain.

Iss leaks ki jaankari Sudhanshu Ambhore ne apne twitter handle ke through share ki hai. Leaks mein phone ki RAM, camera aur processor ki information ko share kiya gaya hai. In teenon phones mein se do phones mein Exynos processor aur ek phone mein Snapdragon processor mil sakta hai.

Leaks mein bataya gaya hai ki Samsung Galaxy M21 mein Exynos 9609 processor diya jaa sakta hai, saath hi ismein 4GB RAM bhi dekhne ko mil sakti hai. Yeh phone dual rear camera setup ke saath market mein aa sakta hai, jismein primary camera 24MP aur secondary camera 5MP lens ke saath diya jaa sakta hai.

Iamge Credit : Shudhanshu Ambore

Iske alawa Samsung Galaxy M31, Snapdragon 665 chipset aur triple rear camera setup ke saath aa sakta hai. Ismein primary camera 48MP ka, secondary camera 12MP ke ultra wide angle ke saath aur third camera 5MP ke depth sensor ke saath diya jaa sakta hai. Iske alawa iss phone mein humein 6GB RAM bhi dekhne ko mil sakti hai.

Also Read : Samsung Galaxy M90 Jaldi Hi India Mein Launch Ho Sakta Hai

Inn dono phones ke alawa Samsung Galaxy M41, iss series ka premium phone ho sakta hai, jo ki 64MP ke primary camera ke saath aa skata hai. Iske alawa phone mein  secondary camera 12MP ultra wide angle lens ke saath aur third camera 5MP deth sensor ke saath diya jaa sakta hai. Iss phone mein company Exynos 9630 processor ko use kar sakti hai, saath hi phone mein 6GB RAM ki bhi di jaa sakti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: