Na Koi Audio jack, SIM tray, Naa Charging Port Aur Naa Hi Power Button, Kuch Aisa Hi Hai Meizu Ka Naya Phone – Zero

Vivo ke Apex 2019 ka jaisa design concept saamne aaya hai, kuch waisa hi phone Meizu ne aaj China mein launch bhi kar diya, jiska naam Zero hai. Is smartphone mein naa to koi power button ya volume rocker hai aur naa hi top ya bottom edge par, audio jack, speakers aur charging port diye gaye hain. Aaiye aapko bataate hain ki kis tarah se kaam karega ye naya smartphone.

Meizu Zero mein 3.5mm audio jack nahin hai, lekin ye koi anokhi baat nahin hai, kyunki ab bahut si companies apne phone se audio jack remove kar rahi hain. Lekin anokhi baat ye hai ki ismein aapko USB Type-C port bhi nahin diya gaya hai.

Meizu ke according, is naye design ke saath aane waale phone mein charging ke liye 18W wireless charging hogi aur wireless audio ke liye aapko Bluetooth earphones ya speaker ka istemaal karna hoga. Iske alawa rear panel se fingerprint sensor button ko bhi remove karke, Meizu Zero mein in-display fingerprint scanner diya gaya hai.

Isi ke saath Meizu Zero mein mSound 2.0 screen sound technology ka istemaal kiya gaya hai, jo phone ki screen ko hi speaker aur earpiece ki tarah use kar sakti hai. Is phone mein pressure sensitive power button aur volume rockers honge. Saath hi SIM tray ko hataakar yahaan users ko eSIM ka use karna hoga.

Meizu ke is flagship smartphone mein 5.99 inch ki full HD+ AMOLED display hogi aur ye Octa Core Qualcom Snapdragon 845 chipset par chalega. Ismein aapko AI face unlock ke saath 20 MP ka selfie camera diya gaya hai aur 12+20 MP ke dual rear sensors hain, jo ki f/1.8 aperture, Sony IMX380 sensor (main), Sony IMX350 sensor aur f/2.6 aperture (secondary) ke saath fit kiye gaye hain.

Meizu Zero IP68 certification ke saath water aur dust proof bhi hai. Ye premium phone kewal Black aur White colors mein available hoga, lekin iski availability aur pricing details abhi saamne nahin aayi hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: