MWC Event Mein First Time Hissa Lega Realme, Ye Products Honge Launch

Mobile World Congress (MWC), saal ka sabse bada smartphones ka event hai, jismein lagbhag sabhi smartphone companies innovative and latest technologies ke saath new products launch karti hain. First time Realme bhi MWC ka hissa banne jaa rahi hai. Is company ne MWC 2020 event ki announcement kar di hai, jo ki isi month shuru hone jaa raha hai.

MWC 2020 event ke saath Realme ka ye first global launch event bhi hoga. MWC 2020 February 24 se February 27 tak ka long event hai, jismein 24th Feb ko hi Realme apne products showcase karne waala hai. Ye khabar Realme ne seedhe seedhe nahin, balki cryptic manner mein Twitter par share ki hai. Company ne ek jagah ke geographic coordinates show kiye hain, jo ki Barcelona hai.

Company ne is baat ki khulkar jaankaari nahin di hai ki kaun se products yahaan par nazar aane waale hain, lekin jaise ki sabhi companies yahaan apne best products showcase karte hain, aise hi Realme bhi kaafi samay se rumors mein bane huye aur AnTuTu benchmarking site par kuch samay pehle nazar aaye apne snapdragon 865 phone ko announce kar sakti hai.

Isi ke saath kaafi strong rumors ye bhi hain, ki company apni first TV ko bhi isi event mein showcase karne waali hai, jo ki Realme TV hai. Is TV ka first teaser Realme ke CMO Francis Wang ne apne tweets ke through diya tha. Unhone kaha tha ki MWC 2020 mein Realme TV ko lekar kuch exciting announcement ki jayegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: