MWC 2020 Hua Cancel – Ye Hai Badi Wajah

Year ka sabse bada smartphone event MWC 2020 ab nahin hoga. Jaisa ki sab jaante hain China mein spread ho rahe Coronavirus ke chalte pehle MWC 2020 mein Chinese smartphone makers ko shaamil hone mana kiya gaya, lekin ab isi ke chalte MWC 2020 event cancel kar diya gaya hai.

Kuch hi hours pehle GSMA ne bhi ye confirm kar diya hai ki biggest tech trade show MWC 2020 cancel ho chuka hai. GSMA CEO John Hoffman ne confirm kar diya hai ki Coronavirus ki wajah se MWC 2020 ab possible nahin ho payega. Barcelona mein safe and healthy environment ko maintain karne ki baat ko dhyaan mein rakhte huye is biggest tech event ko cancel karna hi sahi hai. GSMA jo ki is event ko organize kar rahe the, ke CEO ke according Coronavirus outbreak, travel concern aur other circumstances ke chalte MWC 2020 possible nahin ho paayega.

MWC 2020 February 24th se 27th tak hone waala tha. Is event mein Realme bhi first time hissa lene waala tha aur bhi kayi companies apne innovative technologies ke saath ismein shirkat karne waali thi, jo ki ba nahin ho payega.

Saath hi is event ke naa hone se major tech giants ko bhi kaafi nuksaan uthana padega aur Barcelona, jahaan MWC har saal hota hai, wahaan ki economy par bhi iska asar padega. Is event mein Barcelona lagbhag 14,000 part-time jobs offer karta hai. Reports kehti hain ki is saal MWC 2020 naa hone se Barcelona ko $492million Euros ka nuksaan uthana padega.

Nokia, Vivo, Oppo, Realme jaise brands jo ki is event mein apne products launch karne waale the, ab accordingly separately events organize karke apne products ko introduce karenge.  

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: