MWC 2019: Top 5 Brand, Jo Lekar Aa Rahe Hain Ye New Smartphone Technologies

MWC 2019 ab kaafi karib hai, smartphones ke is biggest event mein lagbhag sabhi leading companies shirkat karne waali hain. Samsung se Xiaomi aur LG se Energizer tak, is baar Mobile World Congress mein sabhi shaamil hone jaa rahe hain. Bahut se achhe smartphones, behtareen design ke saath launch to kiye hi jayenge, lekin wahin kayi companies is baar nayi smartphone technologies bhi lekar aa rahi hain. Inhein aap future technology bhi keh sakte hain, jinmein foldable smartphone, holeless phone, dual pop-up selfie camera, biggest battery, tak kaafi kuch shaamil hain. Lekin hum yahaan aapko un top 5 companies ka naam bataane jaa rahe hain, wo waakyi mein kuch innovative launch karne jaa rahe hain.

Vivo Apex Concept – A Holeless Phone

Vivo ne last month hi  apna latest aur first holeless smartphone concept announce kiya hai. Is concept smartphone ko Vivo Apex 2019 naam diya gaya hai. Is smartphone mein audio jack, speaker grill, volume rocker, power button, SIM tray jaisa kuch bhi nahin hai.

Saath hi company ke according ye “world’s first half-screen in-display fingerprint scanning technology” ke saath launch hoga. Yaani ki neeche ki aadhi screen par aap kahin bhi tap karein, phone open ho jayega. Is handset mein proximity sensor aur earpiece ko display ke neeche jagah di gayi hai, aur sound generate karne ke liye ye smartphone virbration ka use karega, aap keh sakte hain ki iski display hi speaker ke roop mein kaam karegi.

Ismein aapko pop-up selfie camera diya gaya hai aur rear panel par bhi dual cameras hain. Ismein aapko USB port bhi nahin milta hai, lekin yahaan aapka charger magnetic port ke through, phone ke bottom part se connect ho jayega.

Ab to aap samajh hi gaye honge, ki ise holeless phone kyun kaha hai. Specs ke maamle mein bhi ye ek flagship phone hai, ismein 12GB RAM, Snapdragon 855 chipset, 6.39 inch AMOLED display, aur 256GB storage hogi.

Oppo 10x lossless zoom technology: Professional Camera Jaisi Quality

Oppo ki 10x lossless zoom technology ke baare mein hum kaafi samay se sunte aa rahe the, lekin yahaan MWC 2019 ke aane se pehle hi company ne apni is nayi technology ko announce kar diya hai. Saath hi is technology ke saath company aage MWC mein bhi shaamil hogi, lekin kaun se smartphone mein ye technology aane waali hai, ye abhi confirm nahin hai.

Aaiye jaante hain ki kya hai aakhir 10x lossless zoom, ye company ki nayi mobile imaging technology hai, jisse aap lagbhag profession cameras jaise perfect pictures le sakte hain. Ye technology Oppo ken aye smartphone, jismein triple rear cameras honge, usmein di jayegi. Ye triple rear camera, Ultra clear master, Wide angle camera aur telephoto lens ka combination hoga. Ismein primary camera aapko amazing photo quality dega aur uska saath yahaan par depth focusing ke liye moujood telephoto lens dega. Teenon cameras, same time mein apna behtar output denge, jisse aapko perfect shots mil sakein.

Is triple rear camera technology ke liye, Oppo ne ‘periscope structure’ ka istemaal kiya hai, taaki aapko behtar technology ek slim aur stylish smartphone mein mil sake.

Nokia 9 PureView: First smartphone With Penta Cameras

Nokia 9 Pureview ke rumors aur leaks to aap dekh hi chuke hain, saath hi iski images bhi leak ho chuki hain. Ye smartphone bhi MWC 2019 ka hissa hai, aur iski khaasiyat hai iske penta cameras. Ye world ka first smartphone hoga, jismein five rear cameras hain. Rear panel par aapko ek round mein seven holes nazar aate hain, jisemein se five rear cameras hain, one LED flash light & one fingerprint scanner ke liye hai. Saath hi ismein Carl Zeiss ka 41 MP primary camera hoga. Nokia 9 PureView bhi ek Android One smartphone hai jismein aapko 6 inch ki Quad HD+ display milne waali hai. Ye handset Android 9.0 Pie OS aur Snapdragon 845 processor ke saath aayega.

Samsung Galaxy S10 series – Foldable phone, Infinity-O display & Ultrasonic Fingerprint scanner

Halaanki Samsung ka Unpacked event February 20 ko hone waala hai, lekin MWC mein bhi company in smartphones ke saath aayegi. Galaxy S10 series mein S10, S10+ aur S10e handsets shaamil hain. In smartphones ki complete specs sheet to leak ho hi chuki hai, lekin inmein kya khaas baat hai, aaiye hum aapko bataate hain.

Jis tarah Samsung last year variable aperture technology laaya tha, uski tarah is baar Galaxy S10 aur S10+ mein nayi Infinity-O display aur in-display fingerprint sensors hain. Galaxy S10 series smartphones, Samsung ke first smartphones hain, jinmein ultrasonic fingerprint scanners diye gaye hain. Wahin S10+ mein dual punch-hole selfie cameras hain. Jabki Galaxy S10 mein single in-display front camera hai. Wahin in dono smartphones mein triple rear cameras bhi aane waale hain.

Iske alawa Samsung ka Galaxy Fold bhi hamaare saamne aane waala hai. Iska teaser bhi company ne launch kar diya hai aur saath hi confirm kiya hai ki ise bhi Unpacked event mein saamne laaya jayega. Iske liye alag One UI design ki gayi hai, jo iski foldable screen ko support kare. Ismein 7.3 inch ki display hai, jo fold hone par approx. 5 inch ke phone mein badal jaati hai.

Huawei – One More foldable phone ?

Ek taraf Huawei ke P30 smartphone ki baatein chal rahi hain, jo ki February ya March mein launch hona hai, company ke according ye smartphone P20 se better hoga. Expect kiya jaa raha hai ki Huawei is naye handset P30 ko MWC 2019 mein announce kare. Lekin jo khabar confirm hai, wo ye hai ki Huawei MMWC mein foldable smartphone laa rahi hai.

Darasal, Company ne apne Twitter handle par ek post jaari kiya tha, jismein likha hai, “We’re revealing the unprecedented at @MWCapital. Will you be with us as we’re #ConnectingTheFuture LIVE?”  Iske alawa jo image share ki gayi hai, jo ek foldable smartphone ki hi, lagti hai.

Well, iske alawa abhi ye confirm nahin hai ki is handset ka naam kya hoga, kya specs honge, etc.

Other smartphones

  • OnePlus – Maana jaa raha hai ki, is baar OnePlus bhi MWC mein shaamil ho sakta hai aur koi new series announce kar sakta hai, lekin OnePlus ki taraf se aisa koi information nahin hai.
  • Motorola – Motorola ka Razr 4 naam ka handset release ho sakta hai, jo ki ek expensive foldable smartphone hoga.
  • Sony – Sony ka event February 25 ko hai jismein three smartphones expect kiye jaa rahe hain. Sony Xperia X3 ka successor is event mein 5G connectivity ke saath launch kiya jaa sakta hai.
  • LG – LG ka G8 ThinQ aur V50 bhi 5G support ke saath aa sakte hain.
  • Xiaomi – Xiaomi bhi February 20 ko Mi 9 announce karne waala hai. Maana jaa raha hai ki Mi MIX 3 ke 5G version ke saath, Mi 9 ko bhi MWC mein showcase kiya jaa sakta hai.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: