MWC 2019 Mein OnePlus Ne Show Kiya OnePlus Prototype 5G, Dikhaaya Cloud Gaming Ka Future

OnePlus ne 2019 mein apne 5G smartphone ko launch karne ka promise apni audience se kiya tha. Isi promise ke chalte OnePlus ne MWC 2019 event mein OnePlus prototype ko 5G ke saath show kiya hai. Is smartphone ko ek case mein Qualcomm ke booth par rakha gaya tha. Is case mein phone ka design saamne nahin aaya, lekin dikhaya gaya ki yeh phone Qualcomm Snapdragon 855 chipset aur Snapdragon X50 5G modem ke saath aayega, jo ki 5G connectivity ke liye use kiya jaata hai.

 

Qualcomm ke booth par OnePlus ne OnePlus Prototype ke through futuristic cloud gaming setup ko bhi show kiya, jahan company ne bataya ki aane wale samay mein aapko cloud gaming ke liye sirf ek powerful smartphone aur game pad ki jarurat padegi. Bas inhi ki help se aap bade se bade game ko online enjoy kar sakenge, jinhe abhi tak aap sirf desktop par khelte aaye hain. Snapdragon elite gaming feature aur optimisation ko use kar ke players high definition par low latency cloud gaming kar paaenge.

Yeh OnePlus prototype phone show hone ke baad expect kiya jaa sakta hai ki company apne 5G phone ko second quarter mein announce kar de. Lekin OnePlus ne yeh bhi clear kar diya hai ki OnePlus 7 5G smartphone nahi hoga. Saath hi 5G network ke saath aane wala phone OnePlus ka abhi tak ka sabse costly phone ho sakta hai. Well, ab 5G ke liye ye company alag line-up lekar aati hai ya nahin aur use kab launch kiya jayega, ye to aane waale waqt mein hi pata chal paayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: